Регион
Ципрас: Се отвора пат за работа и борба
Поранешниот грчки премиер Алексис Ципрас, челник на радикалната левичарска коалиција Сириза изјави преку Twitter дека по неделната, трета изборна победа во една година – на два предвремени парламентарни избори и на референдумот за договорот со странските доверители – „се отвора патот на работа и борба“.
„Пред нас се отвора патот за работа и борба“, напиша Ципрас во пораката, речиси по еден час откако неговиот најголем ривал, челникот на конзервативната Нова демократија, Вангелис Миамаракис, го призна поразот и му честиташе.
Според делумните официјални податоци коишто ги објави грчкото министерство за внатрешни работи, по преброените 58,12 отсто од изборниот материјал, Сириза освоила 35,51 отсто од гласовите, а Нова демократија освоила 28,19 проценти.
Според овие показатели од 300 места во грчкиот парламент, со бонусот Сириза би имала 145 мандати, а Нова демократија ќе има 75 пратеници.
На третото место е неонацистичката Златна зора со 7,05 отсто и 19 пратеници, социјалистичкиот Пасок освојува 6,41 проценти што му носи 17 мандати, Комунистичката партија има 5,43 отсто и 15 места, Потами (река) има 3,79 отсто од гласовите или 11 пратеници Сојузот на центристите – 3,40 отсто и 9 места.
Фракцијата на одметнатите министри и пратеници од Сириза, раскол кој беше и една од главните причини за предвремените избори, Народно единство, најверојатно не ќе влезе во парламентот, бидејќи со освоени, 2,85 отсто од гласовите не ја не го минува изборниот праг.
За ниедна партија својот глас не го дале 2,43 отсто од грчките гласачи, а според сегашните податоци нивниот одѕив бил под вообичаениот просек, и изнесувал 55,64 отсто.
Меѓутоа, најважно за формирањето на идната грчка влада е што крајно десната партија Независни Грци (Анел) со освоени 3,66 отсто од гласовите ќе има 10 пратеници, и овозможува да се продолжи коалциската влада на Сириза и Анел, која ќе има поддршка од 155 пратеници, односно мнозинство во парламентот.
Претходно од Сириза објавија дека Алексис Ципрас контактирал со челникот на Независни Грци, Панос Каменос, и договориле да ја продолжат коалициската соработка во владата. Ципрас изјави дека владата ќе биде формирана во рок од три дена, А Каменос дека од понеделник ќе се работи на прецизирањето на составот без учество на трета партија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.