Регион
Ципрас сé уште мора да донесе одлука за предвремени избори
Грчкиот премиер Алексис Цирпас сé уште мора да ја донесе одлуката за распишување предвремени парламентарни избори, седум месеци откако дојде на власта, изјави во средата министер во неговата влада по поделбите во владејачката коалиција на радикалната левица Сириза околу новата трета програма за надворешна финансиска помош на Грција.
Министрите во кабинетот на Алексис Ципрас отворено зборуваат за можноста од гласање за доверба на владата во парламентот, што може да одведе до вонредни парламентарни избори, имајќи предвид дека премиерот мораше да се потпре двапати на гласањето на конзервативната опозиција за да добие одобрување, како минатиот петок, за новата програма за помош во износ од 86 милијарди евра.
Еврозоната вкупно во првата транша од програмата на Грција ќе ѝ додели 26 милијарди евра, пред во октомври да биде извршена проверката дали Атина ги спроведува новите договорени услови, како што се реформите на пензискиот и системот за социјална и здравствена заштита, поостри мерки за спречување на даночната евазија, зголемување на стапките на одредени даноци, приватизација на државната сопственост…
Меѓутоа, заменикот министер за култура Никос Ксидакис гои отфрли нагаѓањата дека Ципрас би можел да ги распише новите избори по истекот на рокот за исплата на долгот кон Европската централна банка (ЕЦБ) во четврток. Ксидакис верува дека тоа може да се случи за време на првата проверка за напредокот во остварувањето на програмата за помошта којашто доверителите ќе ја спроведат во октомври.
„Постојат две размислувања … избори пред или по првото разгледување на спроведувањето на програмата за помош. Тоа е одлука којашто ќе ја донесе премиерот“, рече Ксидакис во изјава за јавниот грчки сервис ERT.
Ципрас минатиот петок успеа да го мине прагот од 151 неопходен глас за поддршка на програмата за помош, меѓутоа благодарејќи на гласовите на опозициските партии. Бројот на пратениците од неговата коалиција кои го поддржаа договорот со меѓународните доверители, падна на 118, под прагот од 120 пратеници колку што е потребно за малцинска влада.
Владејачката коалиција на радикалната левица Сириза, инаку, брои 162 пратеници, но многумина од нив им се приклонија на министрите и замениците министри коишто поради противење на новата програма за помош, Цирпас ги отстрани од својот кабинет.
Опозициската конзервативна партија Нова демократија веќе најави дека во петок нема да гласа за доверба на владата на Ципрас./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ во ОН: Курти денес не е во Њујорк оти води тајна кампања во Северна Македонија
За време на седницата на Советот за безбедност на Обединетите нации посветена на шестмесечниот извештај на генералниот секретар на ОН Антонио Гутереш за работата на УНМИК, српскиот претседател Александар Вучиќ го обвини лидерот на движењето Самоопределување, Аљбин Курти за мешање во внатрешните работи на Македонија.
Вучиќ истакна дека Курти не бил присутен на седницата во Њујорк бидејќи бил зафатен со водењето на изборната кампања на неговата партија во соседна држава.
Вучиќ изрази изненаденост од тоа што, според него, најпопуларен политичар во Македонија е претседателот на Србија, иако нема кампања во таа земја.
Тој посочи дека како претседател на Србија се извинува за постапките на, како што го нарече, српскиот граѓанин Аљбин Курти и истакна дека мешањето во внатрешните работи на Северна Македонија не е политика на Србија, туку постапка на неодговорен граѓанин.
Регион
Уапсена државјанка на Јужна Африка, осомничена дека ја убилa мајка си во Црна Гора
Јужноафриканска државјанка е уапсена под сомнение дека утрово ја убила својата мајка во Пераст.
Полициската управа соопшти дека медицинскиот персонал на Здравствениот дом во Котор пријавил во полиција дека во станбена зграда во Пераст е пронајдено безживотно тело на жена, а таму била пронајдена и нејзината ќерка Н.Л.Т., пренесува Вијести.
„Полицијата излезе на местото на настанот каде е утврден идентитетот на починатата, а преземени се мерки и дејствија за утврдување на фактите и околностите под кои настапила смртта“, се вели во соопштението на полицијата.
Оттаму додаваат дека увид на лице место е извршено во присуство на обвинител од Вишото државно обвинителство во Подгорица, како и службеник од Центарот за судска медицина.
„По преземени сеопфатни истражни дејствија, припадниците на полицијата дошле до сомнение дека сторител на ова кривично дело е Н.Л.Т. и таа е лишена од слободата.
Регион
Османи: Белград ја спречува интеграцијата на Србите во институциите на Косово
Косовската претседателка Вјоса Османи упати низа обвинувања за Србија на седницата на Советот за безбедност (СБ) на Обединетите Нации (ОН) посветена на Косово.
Османи обвини дека Белград ја спречува интеграцијата на Србите во институциите на Косово.
Таа изјави дека Србија ја заплашува српската заедница на северот на Косово, а како пример го наведе неодамнешното апсење на косовски полицајци во Србија, пренесува „Радио Слободна Европа“.
Османи обвини и оти Србија претходните денови на граница задржувала автобуси со патници од албанска националност.
Владата на Косово претходно овие постапки ги оцени како одмазда на Србија за поддршката дадена од Парламентарното собрание на Советот на Европа за членството на Косово во оваа организација.
„Србите во Косово се под притисок, но од страна на властите во Србија“, рече Османи.