Регион
Ципрас: Заедничката иднина на Европа не е штедењето
Алексис Ципрас, челникот на коалицијата на радикалната грчка левица Сириза, изјави во неделата по гласањето во Атина, дека „заедничката иднина на Европа не е штедењето“.
Четириесетгодишниот Алексис Цирпас води во испитувањата на јавното мнение и се смета за иден премиер на Грција. Сириза, којашто предизборната кампања ја водеше со мотото „Доаѓа новата надеж“, вети дека преку преговори со тројката меѓународните кредитори ќе договори нови услови за грчката програма за штедење во замена за спасоносните кредити од Меѓународниот монетарен фонд, Европската унија и Европската централна банка, и ќе инсистира на отпишување на голем дел од грчкиот долг од 320 милијарди евра, односно 170 отсто од бруто домашниот производ (БДП).
„Нашата заедничка иднина во Европа не е иднината на штедењето, туку на демократијата, солидарноста и соработката“, изјави Ципрас по излегувањето од избирачкото место во својата населба Кипселија, и тоа прво на грчки а пота и на англиски јазик.
„Денеска Грците се повикани да го направат првиот чекор за да ја вратат надеждта и да му стават крај на стравот. Ние сакаме да одлучиме дали утре ’тројката’ ќе се врати во Грција за да ги спроведе мерките за кои донесе одлука (челникот на конзервативната Нова демократија, премиер на заминување Антонис) Самарас, или утре нашата земја ќе ги започне тешките преговори за враќање на достоинството“, порача Ципрас.
Сириза води пред Нова демократија, според последните објавени анкети, со предност меѓу 2,9 и 6,7 отсто, но и покрај бонусот од 50 пратенички мандата во 300-членито парламент, аналитичарите сметаат дека нема да оствари просто мнозинство./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.