Регион
Црна Гора ѝ одговори на Русија дека одлуката за НАТО е внатрешно прашања
Црногорското министерство за надворешни работи и европски интеграции (МВПЕИ)соопшти во средата дека институциите на Црна Гора, во прв ред парламентот, одлучуваат за потврдата за полноправното членство во НАТО и дека трети страни не треба да изнесуваат ставови за тоа.
Ова е одговор на Подгорица на соопштениот на руското министерство за надворешни работи, кое го пренесе агенцијата ТАСС а потоа и црногорските медиуми, во кое Москва инсистира на одржување референдум во Црна Гроа за придружување кон НАТО, како што бара и тамошната опозиција.
Портпаролката на руското министерство за надворешни работи Марија Захарова изјави дека ситуацијата во Црна Гора е тешка. „Зборувам за внатрешна политичка криза, проследена со протести. Значи, длабоки поделби и натаму постојат во црногорското општество, по прашањето на членството на земјата во НАТО“, рече Захарова.
Оттаму, Русија смета дека црногорските граѓани за тоа би требало а се изјаснат на референдум и тоа, како што додаде Захарова, би претставувало манифестирање на демократијата во Црна Гора.
Официјална Подгорица, пак, смета дека „За начинот за одлучување за потврда во полноправното членство во НАТО одлучуваат институциите на Црна Гора, во прв ред парламентот, и оти во таа смила трети страни не треба да изнесуваат ставови за тоа како институциите би требало да се изјаснат за внатрешните прашања“.
Црногорскиот премиер Мило Ѓукановиќ во понеделникот изјави дека „не постои правна обврска, ниту политичка обврска“ за распишување референдум за пристапувањето на Црна Гора на НАТО, туку дека таа одлука била во надлежност на парламентот, каде мнозинството го имаат неговите поддржувачи и според него две третини од парламентот го поддржуваат влегувањето во Алијансата./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка
Родителите се тие кои имаат многу да објаснат. Прво, зошто чекаа да го пријават исчезнувањето? Колку што знам, чекаа два часа. Познато е дека кога ќе исчезне дете, веднаш се пријавува за да се реагира брзо, изјави за Телеграф.рс Марко Ницовиќ, поранешен началник на белградската полиција.
Според Ницовиќ, полицијата оди во добра насока, бидејќи ја чешла секоја педа од земјата, но се надеваат и дека темелно се проверуваат граничните премини, бидејќи не ја исклучуваат можноста за киднапирање.
– Би можело да биде се, не е исклучена никаква можност. Ако мајката рече дека го оставила девојчето на минута, го поставуваме прашањето каде би можело да оди двегодишното дете? Колку далеку, без мајка му да го најде? Второ, зошто чекаа два часа? Има простор и за киднапирање, а знаеме дека границата е блиску, но и за многу повеќе. Отворени се многу прашања и останува да се почека истражните органи да си ја завршат работата, вели Ницовиќ за српски Телеграф.
Да потсетиме, потрагата по двегодишната Данка Илиќ влезе во четврти ден. Во потрагата од утрово се вклучени уште 18 пожарникари и кучето Зиги.
Багери вчера цел ден копаа и вадеа ѓубре и шут од куќата, а пред куќата каде последен пат беше видена исчезнатата Данка по која трага цела Србија пристигна тешка механизација која ќе продолжи да работи денес за да се расчисти теренот.
Регион
Нов силен земјотрес ја погоди Грција: се стресе на Крит
Нов земјотрес со јачина од 3,7 степени според Рихтеровата скала ја погоди Грција, соопшти ЕМСЦ.
Земјотресот е регистриран на Крит, на 62 километра од Ираклион, на длабочина од 16 километри.
Земјотресот е регистриран во 12.37 часот по локално време.
Засега нема информации за повредени или материјална штета.
Грција утрово ја погоди силен земјотрес со јачина од 5,7 степени според Рихтеровата скала по што следеа афтершокови.
Регион
Мајката на двегодишната Илиќ донесена во полиција: распитувањето за исчезнувањето на ќерката продолжува
Ивана Илиќ, мајката на двегодишната Данка, е донесена во полиција во Бор, потврдија од полицијата за „Телеграф.рс“.
Нејзиното сослушување продолжува и денеска.
Таа, неофицијално, не е осомничена.
Ќе одговара на прашања за детето, навиките, односот со сопругот, семејството, роднините, пријателите, пренесува медиумот.
Исчезнувањето на детото го пријавила на 26 март годинава во 13.45 часот.