Регион
Црногорската полиција го задуши протестот на опозицијата
На улиците на црногорската престолна Подгорица, ноќта кон неделата е мирно, откако полицијата го задуши протестот на опозицискиот Демократски фронт по избувнување на насилства на собирот на кој учествуваа повеќе илјади луѓе, пренесуваат медиумите.
Пред Скупштината (парламентот) и пред зградата на владата на Црна Гора по 22 часот дошло до немири, кога демонстрантите се обиделе насилно да влезат во зградата на парламентот, што полицијата не им го дозволувала.
Демонстрантите ја гаѓале полицијата со шишиња и камења, а биле фрлани и факели и солзавец. Полицијата одговорила со топовски удари и солзавец. Во судирите и на двете страни има повеќе повредени. Според последните инфроамции на Редио-телевизија Црна Гора, повредени се 15 полицајци и 24 демонстранти
Претставниците на опозицискиот Демократски фронт барале од претседателот на парламентот Ранко Кривокапиќ да влезат во Скупштината на главниот влез, што тој под изговор од безбедносни причини го одбил и ги упатил на споредниот влез. Опозициските активисти не се согласиле со тоа и почнале со нападите вез безбедносните сили кои жестоко одговориле.
Во саботата навечер Демократскиот фронт започна протест на платото пред парламентот, кој според претходниот договор со полицијата требаше да трае до шест часот утрото во недела, на кој побараа од премиерот и спикерот на парламентот, Мило Ѓукановиќ и Ранко Кривокапиќ, да ги исполнат нивните барања да си поднесат оставки и да се формира преодна влада којашто ќе ги организира предвремените парламентарни избори.
Црногорската полиција, којашто минатата седмица насилно го растури протесниот камп пред парламентот, ноќеска објави дека е приведен и пратеникот на Демократскиот фронт, Андрија Мандиќ, еден од главните организатори на протестите./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.