Регион
Црногорскиот министер за здравство поднесе оставка поради смртта на бебе во болница
Министерот за здравство на Црна Гора, Миодраг Радуновиќ, во вторник поднесе оставка поради инфекција во породилното одделение на Општата болница во Бело Поле, од која почина едно бебе.
Радуновиќ, во гостување во дневникот на РТЦГ, рекол дека премиерот ја прифатил оставката.
Како што се наведува во соопштението од владата на Црна Гора, Радуновиќ порачал дека „министерот е најмалку важен“ во ситуација во која се заразени пет бебиња, од кои едно почина и дека сега е најважно да се утврдат грешките и казните за сите оние кои ќе се утврди дека се одговорни – од чистачки во болницата до министерот за здравство.
„Верувам дека е јасно дека не може да има директна одговорност за оној кој не го информирале за настаните во Општата болница во Бело Поле. Но, исто така, е јасно дека јас сум објективно одговорен, затоа што сум на врвот на здраваствениот синџир и дошло до таква ситуација во која е можно министерот да не биде информиран за заразата која со денови беснее во четвриот град по големина по бројот на жители“, рекол Радуновиќ.
Здравствената состојба на бебињата од Бело Поле кои се лекуваат во Центарот за неонатологија во Институтот за детски болести при Клиничкиот центар на Црна Гора останува непроменета – три новороденчиња се стабилни, додека едното и понатаму е животно загрозено.
Инфекцијата кај петте бебиња, од кои едното почина, настанала по нивното раѓање во болницата. Кај едното од нив е потврден менингитис, кај две сепса, додека за уште две сё уште се чекаат резултатите.крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Завршено вештачењето на мобилниот телефон на мајката на Данка, биле бришени пораки и повици, објавија српските медиуми
Мобилниот телефон на мајката на Данка Илиќ бил испратен на вештачење по исчезнувањето на девојчето. Неофицијалните податоци говорат дека мајката избришала многу пораки и повици ден пред и на денот на исчезнувањето на Данка, објави српски „Блиц“.
Според неофицијални сознанија од истрагата, вештачењето на мобилниот телефон на Ивана Илиќ покажало дека се избришани многу пораки и податоци за повици, пишува српски „Информер“.
„На ден пред исчезнувањето и на денот на исчезнувањето на Данка Илиќ многу пораки и повици се избришани од телефонот. Ова го утврдиле инспекторите за високотехнолошки криминал. Пораките и повиците може да се избришат од телефонот, но да останат во базата на податоци“, рекол изворот.
Како што се дознава, пред исчезнувањето на Данка Илиќ мајката трипати го фотографирала детето од разни агли.
Да потсетиме, мајката на Данка Илиќ, Ивана, денеска повторно е во полициската станица во Бор, каде што е на распит за околностите на својата исчезната ќерка. Таткото помина на полиграфското тестирање.
Регион
„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка
Родителите се тие што имаат многу да објаснат. Прво, зошто чекаа да го пријават исчезнувањето? Колку што знам, чекаа два часа. Познато е дека кога ќе исчезне дете, веднаш се пријавува за да се реагира бргу, изјави Марко Ницовиќ, поранешен началник на белградската полиција, за „Телеграф.рс“.
Според Ницовиќ, полицијата оди во добра насока бидејќи ја проверува секоја педа од земјата, но се надеваат и дека темелно се проверуваат граничните премини бидејќи не ја исклучуваат можноста за киднапирање.
„Би можело да биде сè, не е исклучена никаква можност. Ако мајката рече дека го оставила девојчето на минута, го поставуваме прашањето каде би можело да оди двегодишното дете? Колку далеку, без мајка му да го најде? Второ, зошто чекаа два часа? Има простор и за киднапирање, а знаеме дека границата е блиску, но и за многу повеќе. Отворени се многу прашања и останува да се почека истражните органи да си ја завршат работата“, вели Ницовиќ за српски „Телеграф“.
Да потсетиме, потрагата по двегодишната Данка Илиќ влезе во четвртиот ден. Во потрагата од утрово се вклучени уште 18 пожарникари и кучето Зиги.
Багери вчера цел ден копаа и вадеа ѓубре и шут од куќата, а пред куќата каде што последен пат беше видена исчезнатата Данка по која трага цела Србија, пристигна тешка механизација, која ќе продолжи да работи денес за да се расчисти теренот.
Регион
Нов силен земјотрес ја погоди Грција: се стресе на Крит
Нов земјотрес со јачина од 3,7 степени според Рихтеровата скала ја погоди Грција, соопшти ЕМСЦ.
Земјотресот е регистриран на Крит, на 62 километра од Ираклион, на длабочина од 16 километри.
Земјотресот е регистриран во 12.37 часот по локално време.
Засега нема информации за повредени или материјална штета.
Грција утрово ја погоди силен земјотрес со јачина од 5,7 степени според Рихтеровата скала по што следеа афтершокови.