Регион
Дачиќ: Членството во ЕУ е приоритет за Србија, нема санкции против Русија
Шефот на српската дипломатија Ивица Дачиќ порача во петокот во Брисел дека главната надворешнополитичка цел на Белград и натаму останува членството во Европската унија, како и дека Србија следите години постапно ќе ја усогласува својата надворешна, безбедноста и одбранбена политика со ЕУ, но дека не мисли да воведува санкции против Русија, како што тоа го стори Брисел.
Зборувајќи пред дипломатите во Центарот за европска политика во Брисел, министерот за надворешни работи на Србија, Ивица Дачиќ, порача дека неговата земја нема дилеми околу членството во Европската унија како приоритет на нејзината надворешна политика, и покрај фактот дека не им се приклучи на санкциите на ЕУ против Русија, ниту тоа ќе го стори, бидејќи има „свои сопствени државни интереси“.
„Свесни сме за своите обврски и тика нема ништо спорно, а единствената работа околу којашто не се согласуваме со ЕУ се санкциите против Русија, кои не можеме да ги поддржиме исто како што не го поддржуваме и ембаргото на Русија на увозот на храната од ЕУ“, рече Дачиќ.
Шефот на српската дипломатија го повтори ставот за неутралноста во однос на НАТО, истакнувајќи дека со оваа воена организација се соработува низ проектот Партнерство за мир, како и преку највисокото ниво на врски со Алијансата за држава којашто не сака да биде членка на сојузот. Дачиќ, исто така, нагласи и дека Србија сака да го надомести досегашното големо заостанување поради балканските кризи и судири.
Според белградските електронски медиуми, претходно во петокот Дачиќ присуствувал на скринингот за преговарачкото поглавје во врска со надворешната политика и укажал дека процентот на усогласеност на надворешните политики на Србија со надворешната политика на ЕИ „е повеќе од 90 отсто“.
Дачиќ оцени и дека контроверзиите за изградба на гасоводот Јужен тек мора да ги решаваат ЕУ и Русија, но дека Србија со Русија за овој проект потпиша договор кој не е спорен, имајќи предвид дека не е членка на Унијата.
„Не се гради Јужен тек поради Србија, туку поради ЕУ, а ние не можеме да се смрзнуваме за да излеземе принципиелни“, рече Дачиќ, истакнувајќи дека Србија нема да го гради гасоводот доколку Брисел и Москва не се договорат, потсетувајќи дека Србија рускиот гас може да го добива само преку Бугарија која е членка на ЕУ.
Дачиќ како неосновани ги отфрли забелешките за посетата на рускиот претседател Владимир Путин, истакнувајќи дека не гледа зошто би претставувало проблем доколку српските функционери разговараат со Путин, а не е проблем кога тоа го прават западните политичари, почнувајќи од германската канцеларка од францускиот претседател.
Челникот на српска дипломатија оцени и дека е „видливо“ оти Германија и некои други земји членки на ЕУ не сакаат да издвојуваат средства за новите членки, иако тие правила важеа досега, и истакна дека очекува оти Србија уште годинава ќе ги отвори првите поглавја во преговорите за придружување на Европската унија./крај/мф/сн
Извор: Танјуг
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.