Регион
Дачиќ: Дамка на односите со Скопје и Подгорица поради поддршката за членство на Косово во УНЕСКО
Гласањето на Црна Гора и на Македонија во Извршниот совет на УНЕСКО Косово да биде член на оваа организација, ќе се одрази на односите на Белград со Подгорица и Скопје, порача во петокот шефот на српската дипломатија Ивица Дачиќ.
„Ќе остане дамка на односите. Бидејќи Црна Гора и Македонија не гледаат на нас како на приоритет, ниту тие нема да претставуваат тоа за нас“, рече српскиот министер за надворешни работи Ивица Дачиќ одговарајќи на прашања на студентите од Факултетот за политички науки каде се одржа трибината „Позицијата на Србија во меѓународните односи“, пренесува агенцијата Танјуг.
Според оцената на Дачиќ, прашањето на членството на Косово во УНЕСКО не е исто како и прашањето за членство во Меѓународниот олимписки комитет, бидејќи „едно е туркањето на токата, а други се Дечани“, алудирајќи на српскиот средновековен манастир во поранешната јужна српска покраина Косово и Метохија, каде албанските власти во Приштина во 2008 година еднострано прогласија независност.
Шефот на српската дипломатија притоа се запраша како е можно соседните земји да не прават разлика меѓу она што е важно са Србија и некои потези со коишто, како што смета, сакаа да му испратат порака на Западот.
„Ќе имаат и тие некое барање во меѓународните организации, коешто ние нема да го поддржиме“, порача Дачиќ.
Истакна, меѓу другото, дека Србија мора да го прифати фактот дека е мала земја и да биде свесна за нејзината позиција во светот, но дека „мора да ја зајакне својата надворешна политика и меѓународна позиција“.
„Србија мора да се движи кон својата цел, а тоа е Европската унија, ослободена од илузиите и митовите за својата величина, но мора да знае и што е нејзиниот државен интерес“, продолжи Дачиќ истовремено оддавајќи ѝ признание на дипломатијата на некогашна Југославија. Но, рече дека не пати по Тито и поранешната Југославија, туку жали поради тоа што Србија „нема таква надворешна политика“, поради која некогашната држава била почитувана./крај/мф/сн
Извор: Танјуг
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Повеќе од половина Србија обоена во жолто: Итно предупредување поради можно невреме
Жолта метеоролошка тревога е на сила на повеќе од половина од териториите во Србија и тоа во Бачка, Банат, Срем, Белград, Западна Србија, Поморавље и Шумадија, со цел да се предупреди за можна појава на грмежи.
Се очекува слаб до умерен дожд во областа Бачка.
Во Бачка во следните два часа на места ќе има врнежи од дожд со слаб до умерен интензитет.
Инаку, жолтиот метео аларм се „вклучува“ кога времето може да биде потенцијално опасно, поточно кога се предвидуваат опасни временски појави.
„Тие се со таков интензитет што можат да предизвикаат материјална штета и да бидат опасни за луѓето и животните. Треба да бидете многу внимателни, свесни за ризиците и редовно информирани за деталите за очекуваните метеоролошки услови“ велат од надлежните државни служби.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Регион
Убиен работник од Украина во Славонски Брод
Во центарот на Славонски Брод во попладневните часови е пронајдено машко тело.
Полициската управа Брод-Посавина соопшти дека е приведено едно лице поврзано со инцидентот.
Се работи за млад градежен работник од Украина. Конфликт се случил во стан во центарот на градот каде што биле сместени работниците (родени во 90-тите).
Полицијата соопшти дека телото на мажот е пронајдено во куќата околу 15:17 часот и дека се води истрага, а потоа и кривична истрага која треба да ги расветли сите околности.