Регион
Давутоглу и Меркел за поголема улога на НАТО во мигрантската криза
Турција не може самата да ги згрижи сириските бегалци, изјави премиерот Ахмет Давутоглу во понеделникот тврдејќи дека 30.000 луѓе од сириската покраина Алепо пристигнуваат на турската граница и со германската канцеларка Ангела Меркел повикаа на создавање сигурни коридори до Европа и поголема улога на НАТО во борбата против криумчарите со луѓе.
„Никој не би смеел да помисли дека Турција којашто ги прифаќа бегалците мора самата да го понесе товарот на тоа прифаќање“, изјави турскиот премиер Ахмет Давутоглу на прес-конференцијата по средбата во Анкара со германската канцеларка Ангела Меркел.
Меркел, пак, изјави дека е вџашена од патењето на сириските цивили блокирани на сириско-турската граница и предупреди дека бомбардирањето на Алепо, особено од руските сили кои заедно со силите на сириската влада на претседателот Башар ал-Асад го бомбардирале градот Алепо.
Алепо е поранешната економска престолнина на Сирија, кој е инаку најголем град во земјата, е поделен од јули 2012 година на сектор под контрола на лојалистите кон претседателот Башар ал-Асад, христијани, шиити и либерални сунити кои држат 60 отсто од територијата на градот, и опозициските сунитски вооружени сили кои ги држеа источните населби. Бунтовниците од октомври 2014 година им се закануваше опсада поради напредувањето на владините сили кои се обидуваат да ги спречат правците за снабдување, а потоа беа потиснати и од силите на исламистичките групи Исламска држава и Џебхат ан-Нусра. Од минатиот понеделник сириските сили започнаа офанзива со којашто повратија под своја контрола големи делови од истоимената покраина, како и предградија на градот.
Оваа офанзива, рече турскиот премиер Давутоглу, е причина што околу 30.000 сириски цивили се натрупале на турската граница која и натаму е затворена
„Како и секогаш ќе им помогнеме на сириските браќа и ќе ги прифатиме кога тоа ќе биде потребно“, додаде шефот на сунитско исламско-конзервативната влада на Турција која ги помага бунтовниците против алавитскиот (шиитски) сириски претседател Башар ал-Асад.
Давутоглу притоа јасно предупреди дека неговата земја којашто веќе примила 2,7 милиони Сиријци, не може дамата да го понесе товарот од бегалците. Истакна дека со Меркел договори подобра соработка против криумчарите со луѓе и олеснување на работата на европската агенција за граници Фротнекс.
Анкара и Брисел кон крајот на ноември постигнаа договор за акциски план со кој Европската унија се обврзува со 3 милијарди евра во замена за подобра контрола на турските граници и борбата против криумчарите со луѓе.
Канцеларката Меркел изјави дека сакаат да осигурат безбеден и легален пат за бегалците, „Сакаме да обезбедиме сигурен пат, легален пат за бегалците“, рече и додаде дена министрите на НАТО го разгледуваат чекорите за вклучување на воениот сојуз. Во настојувањата да се спречи илегалната миграција, канцеларката и турскиот премиер изјавија дека планираат заедничка операција на Фронтекс и на турската крајбрежна стража./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.