Регион
Давутоглу: Турција и Грција ги делат ставовите за мигрантската криза
Турција и Грција го споделуваат ставот дека товарот од мигрантската криза треба да се подели и договорија правна рамка за борба против илегалната миграција, изјави во вторникот вечерта турскиот премиер Ахмет Давутоглу по средбата со грчкиот колега Алексис Ципрас.
„Турција и Грција заеднички им одговараат на оние во Европа кои сметаат дека Грција и Турција треба самите да се борат со таа криза“, истакна турскиот премиер Ахмет Давутоглу на заедничката прес-конференција со грчкиот премиер Алексис Ципрас во турскиот град Измир.
Со нацрт договорот меѓу Турција и ЕУ треба да се обесхрабри илегалната миграција, но нема да се запре сириските бегалци кои легитимно бараат засолниште во Европа, додаде Давутоглу.
Грчкиот премиер Цирпас изјави дека договорот со Турција да ги прими назад мигрантите кои нема да ги прими Европската унија ќе помогне да се намали „неиздржливиот прилив“ на луѓето кои доаѓаа во Европа. Договорот за реадмисија со Турција „испраќа јасна порака за мигрантите кои доаѓаат од трети земји, а не од оние погодените со војни…, дека нема ниту политичка волја, ниту можноста да дојдат во Европа“, смета Ципрас.
„Тоа е стварноста којашто мораме искрено да им ја кажеме за да го запреме, за да го намалиме неиздржливиот прилив за нашите земји“, појасни грчкиот премиер.
„Целта тука е да се обесхрабри нерегуларната миграција и … да се препознаат оние Сиријци во нашите кампови коишто ЕУ ќе ги прифати, иако ние нема никого да присилуваме да оди против својата волја“, рече Давутоглу.
Најави дека Турција ќе усвои закон кој го бара ЕУ за да може следните месеци да се спроведе либерализацијата на визниот режим за турските државјани и го нарече тој дел од нацрт договорот „важна победа за нашите граѓани“.
Двајцата премиери најавија дека нивните земји ќе ги зајакнат напорите во борбата против криумчарите на луѓе во Егејското Море./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.