Регион
Деветто издание на Викенд Медиа Фестивал
Глобалните брендови во различните култури, дигитализацијата на радијата и револуционерниот потенцијал на blockchain технологијата се само мал дел од интригантните теми кои регионалната комуникациска индустрија ги носи на деветото издание на Викенд Медиа Фестивалот.
Глобалните брендови во различните култури, дигитализацијата на радијата и револуционерниот потенцијал на blockchain технологијата се само мал дел од интригантните теми кои регионалната комуникациска индустрија ги носи на деветото издание на Викенд Медиа Фестивалот.
Во просторот на старата фабрика за тутун во Ровињ, под покровителство на групацијата Адрис, оваа година, од 22 до 25 септември, овогодинешното издание носи повеќе од 120 говорници и околу 400 медиа, маркетинг и ПР професионалци. Нив ќе им се приклучат и 350 студенти од целиот регион, како и околу 550 акредитирани новинари.
„Си поставивме амбициозна цел, деветиот Викенд Медиа Фестивал да биде толку многу добар и сите да посакаат да присуствуваат на десетото, јубилејно фестивалско издание. Повторно ќе претставиме некои нови теми и повторно први ќе започнеме приказни за сосема нови технологии за кои за неколку години сите ќе зборат. Секако, неизоставен дел од фестивалот, како и до сега, ќе бидат и одличните забави, а сево ова оваа година ќе биде уште подобро.“ ветува Томо Рицов, директор на фестивалот.
Листата на предавачи на фестивалот е предводена од Шон Пекас Костнер (Shawn Pecas Costner), кој 18 години работи во музичката индустрија и е задолжен за промоција на музички ѕвезди како Rihanna, Young Jeezy, Rick Ross, Ludacris, Big Sean и многу други, и е извршен директор во Roc Nation Sports, компанија за спортски менаџмент чиј сопственик е славниот хип-хоп могул – Jay Z. Лазар Џамиќ (Lazar Džamić), директор за стратешко планирање во неколку лондонски креативни агенции и еден од првите дигитални стратези во Велика Британија, ќе го претстави рецептот за речиси совршено огласување преку креирање на успешни пораки во свет на лесно игнорирање на истите.
Гости на Викенд Медиа Фестивал ќе бидат и Џарно Ванхатапио (Jarno Vanhatapio) и Магнус Емилсон (Magnus Emilson), двојката која стои зад NA-KD.com, шведска модна електронска продавница која доставува артикли од водечките светски брендови во повеќе од 100 земји низ светот. Разговорот “Еден на еден“ оваа година е резервиран за Зоран Шпрајц и Претседателот на Управата на хрватскиот Телеком – Давор Томашковиќ.
„Предавачите кои до сега ги имаме во програмата се гаранција дека и оваа година во Ровињ колегите од регионот ќе може да понудат информации за најновите трендови во светот. На панел дискусиите исто така ќе собереме луѓе кои на креативен и иновативен начин ја поврзуваат Хрватска и Регионот со целиот свет, а успеваат да направат и чекор напред со што може да се каже дека одржуваме чекор со светот“, истакнува програмскиот директор Никола Врдољак.
Радиото на големи врати се враќа, па на еден од панелите ќе биде објаснето зошто на медиумите за кои се тврдеше дека немаат иднина им растат огласувачките буџети и кои се иновациите кои овозможуваат повторно воздигнување на радиото. За иновациите ќе се збори и на панелот за blockchain технологијата, на која се темели и најпознатата виртуална валута Биткоин (Bitcoin) и овозможува неограничени можности во банкарството, како и во јавните услуги како склучувањето договор. Учесниците на панелот за глобалните брендови ќе разговараат за тоа како да се создаде глобален бренд и како со него да управувате во различни култури и опкружувања.
„Ровињ е на најдобар пат да стане глобален бренд, а Викенд Медиа Фестивалот е настан кој придонесува кон ова преку собирање на креативните и иновативните луѓе од целиот свет. Токму тоа се вредностите на кои е изградена и Адрис групацијата. Ние и понатаму ќе ги промовираме и поддржуваме овие настани.“, изјави Кристина Милјавац, Адрис Групација.
Во рамки на деветтото издание на Викенд Медиа Фестивалот повторно ќе се одржи регионалната ревија BalCannes и доделувањето на наградите SoMo Borac. BalCannes се одржува пети пат, а оваа година огласувачите имаат уште поважна улога, затоа што ќе бидат одбрани 25 најдобри проекти од шестте земји од регионот на кои ќе им бидат доделени награди, меѓу кои и за најдобра агенција и проект.
Пријавата на трудовите за BalCannes за сите заинтересирани е отворена до 1. септември.Дигиталната награда SoMo Borac има нова категорија, SoMoRitanac, наменета за најдобрата дигитална кампања која придонела за некоја повисока цел. Пријавите на SoMo Borac се бесплатни, а повеќе можете да дознаете на www.somoborac.com.Музичката програма од секогаш била еден од најсилните адути на фестивалот. Така ќе биде и оваа година и како што е веќе познато, фестивалската програма ќе биде отворена со голем концерт на Хладно пиво на 22 септември (четврток).
Пријавите за деветтото издание на Викенд Медиа Фестивалот се во тек, а бројот на места е ограничен./крај/мф/бб
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.