Хрватските власти, кои присуствуваа на комеморацијата на жртвите од Јасеновац во Спомен-паркот, ги коментираа реакциите на српскиот министер за одбрана, Александар Вулин, по пораката на Загреб дека не е добредојден во Република Хрватска. Андреј Пленковиќ не пропушти можност да повтори дека Србија ѝ била агресор на Хрватска од 1991 до 1995 година.

Пленковиќ нагласил дека забраната за влез на Вулин во Хрватска е јасна порака на став и одлучност на официјален Загреб, дека нема да толерира однесување како тоа на српскиот министер за одбрана. Тој повторил дека бил добар чекор тоа што парламентарната делегација ја напуштила Србија по инцидентот во српското Собрание.

Хрватскиот премиер истакна дека Хрватска сака да ги намали тензиите и да отвори простор за дијалог меѓу двете земји.

Во пресрет на државната комеморација во Јасеновац, припадници на Хрватските вооружени сили носелe знаме со усташки поздрав „подготвени за дом“, пренесе хрватскиот портал „Индекс.хр.

Според порталот, првокацијата со знамето ја предизвикале двајца мажи кои, како што се наведува, се претставници на ХОС.

Инаку, знамето, со дозвола на хрватската држава, има усташки поздрав во согласност со неговиот грб.

Индекс.хр. Објави со посебно објаснување, во заграда, дека инцидентот не се случил во самиот Спомен парк, туку во местото Јасеновац.

Хрватското МНР претходно соопшти дека српскиот министер за одбрана, Александар Вулин не е добредојден во Хрватска, на што Вулин возврати дека Србија на оваа провокација, наскоро ќе реагира државнички.

На властите во Хрватска им смета тоа што Србија ја зборува вистината и им сметаат Србите кои ја зборуваат вистината, изјави српскиот министер за одбрана, Александар Вулин, коментирајќи го соопштението на хрватското министерство за надворешни работи, дека тој не е добредојден во Хрватска.

Вулин истакна дека Србија, на оваа провокација, наскоро ќе реагира државнички.

„Најстрашната вистина за Јасеновац не е само тоа што се случило, туку тоа што сегашна Хрватска не сака ниту да се покае, не сака да изрази каење за тоа ѓто го направила“ изјавил Вулин.

Тој нагласил дека нема да престане да ја зборува вистината, таква каква што е.

„Германија заврши со тоа. Кажа дека се кае поради злосторствата од Втората светска војна, не доаѓа во Матузен да положи цвеќе. Тешко е да се замине во Јасеновац на гроб на убиените деца, а потоа во Блајбург на гроб на касапите на тие деца. Нас не боли секое сеѓавање, но некој веќе мора да каже – „Се каеме“, нема да одиме во Блајбург да покажеме венци на гробовите на усташите“ порача Вулин.

Српскиот министер посочи дека не ни планирал да оди во Јасеновац, каде комеморацијата ја одрува хрватската влада.

Хрватскиот премиер Андреј Пленковиќ вчера порача дека можното доаѓање на српскиот министер за одбрана, Александар Вулин на подрачјето на Јасеновац, не би било добро решение, поради, како што рекол, неговите претходни неприфатливи изјави.