Регион
Џихадистите: Во Европа ќе тече крв, напади во БиХ
Радикалните исламисти чиишто изјави ги пренесува интернет порталот Vijesti ummeta кој пренесува вести на бошњачки јазик, најавија одмазнички походи поради нападите врз целите на терористичката група Исламска држава во Ирак и во сирија, и ветија уште повеќе жртви во Европа низ којашто „ќе тече крви ќе се веат знамињата“ на нивната организација, и се заканија на безбедноста на Босна и Херцеговина.
„Знајте дека наскоро ќе ви дојдеме, а веќе сме тука меѓу вас, наскоро ќе тече крв на улиците во цела Европа, ин шаа Алах (ако Господа даде). Наскоро ќе се развеат знамиња на тевхидот ширум цела Европа“,се наведува во заканите објавени на порталот Vijesti ummeta. Овој портал, кој објави во саботата дека терористичките напади во Париз се „благословени вести за муслиманите“, во заканата изразува жалење што во Париз немало уште повеќе жртви. Пишува дека одмаздата на Исламската држава е реакција на „нападите на Калифатот во кој голем број муслимани цивили (најмногу жени и деца) ги загубија животите“, како и на „затворањето на границите и насилствата во туѓа куќа поради што веста за масакрот кој се случи во главниот град на проституцијата Париз силно ги израдувала и ги залекува нашите гради и градите на верниците ширум светот“.„Каде ви се сега вашите авиони и вашата технологија, камерите и следењата и вашата војска со која е гордеете? Знајте дека сето тоа паѓав о вода кога се борите против Оној Кој е над вас и Оној Кој го создал сето тоа што го поседувате. Знајте дека помош и спас во нема освен да го примите исламот. Во спротивно само сабјата под вратот и куршум в чело вие е лекот“, се вели во објавата.Коментирајќи ги осудите и најавите на безбедносните агенции на БиХ ќе ги процесуира објавите на порталот Vijesti ummeta, авторите на текстот порачуваат дека следбениците на Исламската држава не можеле да ги запрат ниту француските или американските служби, а не пак властите на БиХ, а и во оваа земја најавија крвава одмазда.„Ви следува одмазда уште пострашна од оваа и уште погорчлива. Будали едни, Босна е прелиена со крвта на муџахедините кои се пореа да воспостават шеријат. Се колнеме во Алах, таа крв не е пролиена попусто, таа крв веќе ги даде плодовите свои и тие плодови наскоро главите од вашите вратови ќе ги кинат“, се наведува во текстот на порталот Vijesti ummeta, за кој властите во БиХ сметаат дека е близок на Исламската држава//крај/мф/сн
Извор: Hina
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Државниот хрватски инспекторат повлече KitKat чоколада од продажба
Државниот хрватски инспекторат го повлече од пазарот производот Nestle KIT KAT Mini Waffle поради присуство на минерални масла, извести Хрватската агенција за земјоделство и храна, пренесе Индекс.хр.
Како што објаснуваат во соопштението, станува збор само за Nestle KIT KAT Mini 200 грама во кесичка (производ од вафли прелиен со млечно чоколадо), серија 40580734, со рок на употреба 01.2025 година.
Производител е Nestle Deutschland AG, Франкфурт, Германија, а производот е пласиран на пазарот од Nestle Adriatic d.o.o., Загреб, Хрватска.
Регион
Потрагата по Данка Илиќ продолжува трет ден, се проверуваат телефоните на родителите
И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување сите факти и околности поврзани со исчезнувањето на детето.
Потрагата по исчезнатото двегодишно девојче Данка Илиќ од Бањско Поље кај Бор продолжува трет ден, а полицијата ќе ги проверува базните станици и ќе ги прегледа мобилните телефони на родителите за да потврди со кого биле во контакт во периодот кога девојчето исчезнало.
Продолжувањето на потрагата ќе се изврши оперативно откога е утврдено дека девојчето не е на 10 квадратни километри од местото на исчезнувањето.
Полицијата ќе ги испрашува и луѓето што биле во близина непосредно пред или по исчезнувањето на девојчето со цел да се утврдат детали, кои можеби биле пропуштени во текот на истрагата, која е во тек.
Исчезнувањето на двегодишното девојче првпат го активира системот „Најди ме“ во Србија, кој е наменет за итно известување на јавноста во случај на исчезнување малолетно лице.
Данка Илиќ (2) има кафеава коса, кафеави очи и е висока околу 85 сантиметри. На денот на исчезнувањето носела виолетови панталони и јакна во маслинесто-зелена боја.
Регион
„Се плашам дека е киднапирана“, рече дедото на исчезнатото девојче Данка
Дедото на исчезнатото девојче Данка Илиќ (2), кое пред повеќе од 27 часа беше изгубено во приградската населба Бањско поле во околината на Бор, за телевизија Блиц изјави дека „низ главата му поминува можноста детето да е киднапирано“.
„Се уште се надевам дека е жива, но неверојатно е никој да не може да ја најде меѓу толку луѓе. Само една опција ми паѓа на ум, дека е киднапирана. Но, не можам да тврдам. Жандармерија, дронови, хеликоптери, цела Србија беше тука и сите ја бараа. Луѓето беа на еден метар еден од друг и никој не може да ја најде“, изјави Милан Илиќ.
Тој рече и дека го плаши фактот што бугарската граница е блиску.
„До бугарската граница преку новиот пат се стигнува за 45 минути, најмногу еден час. Не е точно дека се потребни пет часа, како што кажа некој утринава на телевизија. Кладово е веќе многу подалеку, оддалечено е 150 километри, но Бугарија е многу блиску“, рече тој.