Регион
Додик: БиХ не е добро место за Србите
Претседателот на Република Српска (РС), Милорад Додик изјавил дека Србија и Република Српска се две српски држави, додавајќи дека „Босна и Херцеговина (БиХ) не е добро место за Србите“, пренесува агенцијата Бета.
„Србија е наша желба, Србија е местото каде сакаме да одиме, за разлика од оние што нé туркаат некаде каде што не сакаме“, изјавил Додик за време на отворањето на манифестацијата „Денови на Српска во Србија“, во Српскиот народен театар во Нови Сад.
Додик додал дека кога е тешко, „Република Српска живее на инат“ и потенцирал дека во БиХ „еден ден“ сите работи ќе се решаваат со референдум и дека благодарение на РС, Високиот претставник во Босна е „маргинализиран“.
„Нашата љубов кон Србија е несомнена. Ми се чини дека понекогаш Србија ја сакаме повеќе отколку вие кои живеете тука“, рекол Додик, наведувајќи дека во РС во последно време се изградени неколку стотини цркви, и дека Србите на тој начин го чуваат својот идентитет. Тој, исто така, најавил дека наскоро ќе биде изграден и автопат од Бањалука, „насочен кон Србија“, додавајќи дека станува збор за капитален проект./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка
Родителите се тие кои имаат многу да објаснат. Прво, зошто чекаа да го пријават исчезнувањето? Колку што знам, чекаа два часа. Познато е дека кога ќе исчезне дете, веднаш се пријавува за да се реагира брзо, изјави за Телеграф.рс Марко Ницовиќ, поранешен началник на белградската полиција.
Според Ницовиќ, полицијата оди во добра насока, бидејќи ја чешла секоја педа од земјата, но се надеваат и дека темелно се проверуваат граничните премини, бидејќи не ја исклучуваат можноста за киднапирање.
– Би можело да биде се, не е исклучена никаква можност. Ако мајката рече дека го оставила девојчето на минута, го поставуваме прашањето каде би можело да оди двегодишното дете? Колку далеку, без мајка му да го најде? Второ, зошто чекаа два часа? Има простор и за киднапирање, а знаеме дека границата е блиску, но и за многу повеќе. Отворени се многу прашања и останува да се почека истражните органи да си ја завршат работата, вели Ницовиќ за српски Телеграф.
Да потсетиме, потрагата по двегодишната Данка Илиќ влезе во четврти ден. Во потрагата од утрово се вклучени уште 18 пожарникари и кучето Зиги.
Багери вчера цел ден копаа и вадеа ѓубре и шут од куќата, а пред куќата каде последен пат беше видена исчезнатата Данка по која трага цела Србија пристигна тешка механизација која ќе продолжи да работи денес за да се расчисти теренот.
Регион
Нов силен земјотрес ја погоди Грција: се стресе на Крит
Нов земјотрес со јачина од 3,7 степени според Рихтеровата скала ја погоди Грција, соопшти ЕМСЦ.
Земјотресот е регистриран на Крит, на 62 километра од Ираклион, на длабочина од 16 километри.
Земјотресот е регистриран во 12.37 часот по локално време.
Засега нема информации за повредени или материјална штета.
Грција утрово ја погоди силен земјотрес со јачина од 5,7 степени според Рихтеровата скала по што следеа афтершокови.
Регион
Мајката на двегодишната Илиќ донесена во полиција: распитувањето за исчезнувањето на ќерката продолжува
Ивана Илиќ, мајката на двегодишната Данка, е донесена во полиција во Бор, потврдија од полицијата за „Телеграф.рс“.
Нејзиното сослушување продолжува и денеска.
Таа, неофицијално, не е осомничена.
Ќе одговара на прашања за детето, навиките, односот со сопругот, семејството, роднините, пријателите, пренесува медиумот.
Исчезнувањето на детото го пријавила на 26 март годинава во 13.45 часот.