Регион
Додик: Опасно е Србија да остане неутрална, а Република Српска да се движи кон НАТО
Претседателот на Република Српска (РС), Милорад Додик изјавил дека јавното мислење во РС е против влегувањето во НАТО Алијансата и оценил дека состојбата би била опасна доколку Србија остане неутрална, а Српска пак стане дел од НАТО.
Додик нагласил дека одлуката за влегувањето во НАТО треба да биде донесена од страна на народот на Република Српска на референдум, но дека сега јавното мислење во Српска е „против таква интеграција“.
„Тоа е логично, ако се земат предвид историските причини. Еден од тие факти е и тоа што НАТО пред 20 години ги бомбардираше Србите во Босна и Херцеговина (БиХ), а потоа и во Србија“, навел Додик во интервју за рускиот портал Lenta.ru
Напоменувајќи дека Србија, по бомбардирањето од НАТО, прогласи воена неутралност, Додик оценил дека не би било добро и дека состојбата би била опасна доколку Србија остане неутрална, а Српска стане членка на Алијансата.
„Уште еден важен детаљ е тоа што една од главните држави која ја спроведува идејата за интеграцијата на БиХ во НАТО е Турција, нешто што Србите не го доживуваат позитивни. Тоа е лош знак“, потенцирал Додик.
Тој додал дека НАТО не е политички неутрална организација и дека покрај сето ова, во БиХ постојат и сложени политички односи внатре во земјата.
„Вкупно, сето ова води до тоа што јавното мислење во Република Српска не ги поддржува интеграциите во НАТО“, објаснил Додик, наведувајќи дека тој како претседател и политичар треба да го има предвид.
Според него нејасно е и колку се добри и интеграциите во Европската унија (ЕУ), бидејќи оптимизмот за членството во Унијата опаѓа.
„Ние не можеме да бидеме изолирана земја, ние мора да бидеме интегрирани. Нас фактички не присилуваат да се интегрираме во ЕУ. Нејасно е колку е тоа добро. Може да се рече дека нивото на европскиот оптимизам не е толку голем како што тоа беше пред неколку години, како во земјата, така и во самата Унија. Но сепак, тој проект и понатаму е силен“, додал претседателот на Република Српска./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.