Регион
Донација од српскиот конзул Мицевски во битолската населба Баир
По повод празникот Ѓурѓовден, почесниот конзул на Република Србија во Република Македонија, Силјан Мицевски реализираше голема хуманитарна акција во битолската населба Баир. Донацијата во храна и облека беше наменета за жителите на оваа населба каде овој голем празник традиционално се слави.
Со цел да се збогатат празничните трпези на оние кои имаат помалку донацијата од српскиот конзул беше доставена директно до нивните домови.
„Целта на нашата донација не е само да помогнеме на овие луѓе да добијат помош која што им е потребна во форма на храна и облека, туку исто така и да ја поттикнеме хуманоста. Верувам дека сите некаде со нешто можеме да помогнеме и затоа нашата намера беше да манифестираме еден гест на хуманост. Покрај тоа симболиката на овој празник е голема затоа што Ѓурѓовден е најголем пролетен празник што го празнува не само христијанското, туку и другото население. Овој празник ги поврзува луѓето. Ние сакаме да дадеме придонес во тоа преку хуманост“, рече конзулот Мицевски.
Донацијата од српскиот конзулат во битолската населба Баир беше дочекана со голема радост. Мештаните велат дека вредноста на оваа донација не е само во тоа што српскиот почесен конзулат во Битола на овој начин материјално им помага, туку и во тоа што им е покажано внимание на овој празник кој е многу значаен за нив.
„Оваа донација ние ја доживуваме како честитка за Ѓурѓовден. Тоа не е само помош во вид на храна и облека, туку многу повеќе. Тоа е гест кој покажува дека некој нé почитува и ни укажува внимание“, вели Самедин Таировски, жител на населбата Баир во Битола./крај/мф/аш
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Мајката на осомничениот за убиството на Данка: Не го видов телото на мојот син
Светлана Драгијевиќ, мајката на Далибор Драгијевиќ, кој почина од насилна смрт во полициската станица во Бор, на распитот за убиството на Данка Илиќ (2), за порталот „Нова.рс“ вели дека нејзиниот починат син бил жртва на полициска тортура.
Таа истакнува дека не го видела телото, и дека се уште го чека извештајот од обдукцијата на нејзиниот син.
Драгијевиќ е брат на Дејан, осомничениот за убиството на девојчето Данка Илиќ. Тој беше приведен на 6 април под сомнение дека му помогнал на својот брат да го сокрие нејзиното тело, а почина ноќта меѓу саботата и неделата, односно на 7 април.
Мајката на Драгијевиќ за Нова.рс изјави дека никој не дошол кај неа да и каже дека нејзиниот син е претепан, туку дека само полицаецот дошол да ја извести за неговиот погреб.
„Не се сомневам дека ќе се дознае кој го убил, од Бор се. Извештајот од обдукцијата се уште не сум го добила, па се надевам дека ќе открие се“, вели Светлана, која исто така наведува дека не го видела телото на синот.
Неделникот „Радар“ неодамна објави дека обдукцијата покажала дека Драгијевиќ починал со насилна смрт, а доказ за тоа се бројните повреди што ги имал по телото. Но, полицијата во соопштението наведе дека Драгијевиќ починал од природна смрт, односно му се слошило во полициската станица.
Полицијата ги уапси работниците на ПУК „Водовод“ Дејан Драгијевиќ и Срѓан Јанковиќ под сомнение дека го убиле девојчето Данка Илиќ. Таткото Радослав и братот Далибор на осомничениот Драгијевиќ беа приведени под сомнение дека му помогнале да го сокрие телото на детето.
Телото на Данка се уште не е пронајдено.
Регион
Милорад Додик: Република Српска е под постојани санкции предводени од САД
Република Српска е под постојани санкции предводени од САД, изјави на Меѓународниот состанок на високите претставници задолжени за безбедносни прашања во Санкт Петербург, претседателот на Српска Милорад Додик.
Во својот говор Додик укажа на глобалниот проблем поради политички мотивирани санкции.
„Република Српска е директно изложена на овој вид ризик и е под постојани санкции предводени од САД. Ние правиме се што можеме за да ја заштитиме “, рече Додик, кој беше првиот што зборуваше на Состанокот за безбедност како дел од првата пленарна сесија „Обезбедување информациска безбедност во услови на формирање на полицентричен светски поредок: предизвици и можности“.
Регион
Девојка што исчезна во март во Србија е пронајдена
Тијана Симиќ, која била пријавена за исчезната на 13 март оваа година, и последен пат била видена на Карабурма во Белград, е пронајдена повеќе од еден месец од нејзиното исчезнување.
Засега не се познати детали, а среќните вести ги објави нејзината сестра на „Твитер“.
„Тијана ја пронајдовме, ви благодарам на сите за помошта“, напиша таа.
Tijanu smo pronašli, hvala puno svima na pomoći ♥️
— fifo (@sofoklee) April 24, 2024
Семејството на Тијана молеше за помош или било каква информација за неа, и после повеќе од еден месец е пронајдена.