Регион
Еден мртов, стотици се’ уште заробени на траектот крај Крф кој се навалува
Едно лице загинало, а стотина се’ уште се заробени на траектот „Norman Atlantic“ кој со 478 патници и членови на екипажот на пат кон Италија се запали кај грчкиот остров Крит, а ноќта се накосил за 7 степени, додека работата на спасувачките служби ја попречува немирното море и орканскиот ветер.
Министерот за одбрана на Грција Никос Дендиас за телевизијата Skai изјави дека траектот „Norman Atlantic“ се навалил и претпоставува дека „можеби тоа е од водата којашто била користена за гаснење на пожарот“ што избувна утрото во неделата на 22 наутички милји од италијанскиот брег и 44 наутички милји од грчкиот остров Крф. Пожарот е делумно ставен под контрола. Осигурителната компанија ANEK соопшти дека нема опасност од превртување на траектот кој е приврзан за италијанскиот брод „Мариета Барет“. Траектот на кој имало најмалку 222 возила од кои три цистерни со техничко масло, пловел од грчкото пристаниште Патра кон италијанското Анкона.
До вечерта во 21 часот по локално време од траектот се спасени 178 луѓе од 478 патници и членови на екипажот, Италијанската и грчката крајбрежна стража потврдија дека спасувачката операција ќе трае целата ноќ, а во неа учествуваат трговски бродови, воздухопловните сили и крајбрежните стражи.
Хеликоптерите, два италијански и два грчки, пред паѓањето на темнината започнаа со подигнувањето по двајца од патниците од палубата на запалениот ферибот кој плута во Јонското Море, а бурата го отежнува спасувањето.
Траектот во неделата наутро испратил повик за помош, бидејќи на долната палуба избил пожар. Бродот се’ уште гори, изјави портпаролот на грчката крајбрежна стража Никос Лагкадианос, но додал дека силниот дожд кој го отежнува спасувањето помага во гаснењето на пожарот.
На траектот главно биле Грци – 269, Турци – 54, Италијанци – 44, Албанци – 22, Германци – 18, десет Швајцарци, девет Французи, Руси, Украинци, Австријци, Британци и Холанѓани, има и еден државјанин на Хрватска и како што потврди грчкото министерство за надворешни работи има и тројца македонски граѓани.
Траектот „Norman Atlantic“ кој плови под италијанско знаме, долг е 186 метри и покрај 55 членови на екипажот може да прими 492 патници./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Мајката на осомничениот за убиството на Данка: Не го видов телото на мојот син
Светлана Драгијевиќ, мајката на Далибор Драгијевиќ, кој почина од насилна смрт во полициската станица во Бор, на распитот за убиството на Данка Илиќ (2) за порталот „Нова.рс“ вели дека нејзиниот починат син бил жртва на полициска тортура.
Таа истакнува дека не го видела телото и дека сѐ уште го чека извештајот од обдукцијата на синот.
Драгијевиќ е брат на Дејан, осомничениот за убиството на девојчето Данка Илиќ. Тој беше приведен на 6 април под сомнение дека му помогнал на својот брат да го скрие нејзиното тело, а почина ноќта меѓу саботата и неделата, односно на 7 април.
Мајката на Драгијевиќ за „Нова.рс“ изјави дека никој не дошол кај неа да ѝ каже дека син ѝ е претепан, туку дека само полицаецот дошол да ја извести за погребот.
„Не се сомневам дека ќе се дознае кој го убил, од Бор се. Извештајот од обдукцијата сѐ уште не сум го добила, па се надевам дека ќе открие сѐ“, вели Светлана, која исто така наведува дека не го видела телото на синот.
Неделникот „Радар“ неодамна објави дека обдукцијата покажала оти Драгијевиќ починал со насилна смрт, а доказ за тоа се многуте повреди што ги имал на телото. Но, полицијата во соопштението наведе дека Драгијевиќ починал од природна смрт, односно му се слошило во полициската станица.
Полицијата ги уапси работниците на ПУК „Водовод“, Дејан Драгијевиќ и Срѓан Јанковиќ, под сомнение дека го убиле девојчето Данка Илиќ. Таткото Радослав и братот Далибор на осомничениот Драгијевиќ беа приведени под сомнение дека му помогнале да го скрие телото на детето.
Телото на Данка сѐ уште не е пронајдено.
Регион
Милорад Додик: Република Српска е под постојани санкции предводени од САД
Република Српска е под постојани санкции предводени од САД, изјави на Меѓународниот состанок на високите претставници задолжени за безбедносни прашања во Санкт Петербург, претседателот на Српска Милорад Додик.
Во својот говор Додик укажа на глобалниот проблем поради политички мотивирани санкции.
„Република Српска е директно изложена на овој вид ризик и е под постојани санкции предводени од САД. Ние правиме се што можеме за да ја заштитиме “, рече Додик, кој беше првиот што зборуваше на Состанокот за безбедност како дел од првата пленарна сесија „Обезбедување информациска безбедност во услови на формирање на полицентричен светски поредок: предизвици и можности“.
Регион
Девојка што исчезна во март во Србија е пронајдена
Тијана Симиќ, која била пријавена за исчезната на 13 март оваа година, и последен пат била видена на Карабурма во Белград, е пронајдена повеќе од еден месец од нејзиното исчезнување.
Засега не се познати детали, а среќните вести ги објави нејзината сестра на „Твитер“.
„Тијана ја пронајдовме, ви благодарам на сите за помошта“, напиша таа.
Tijanu smo pronašli, hvala puno svima na pomoći ♥️
— fifo (@sofoklee) April 24, 2024
Семејството на Тијана молеше за помош или било каква информација за неа, и после повеќе од еден месец е пронајдена.