Регион
Еди Рама во Прешево го чекаат билборди „Добредојде, премиере“
Билборди „Добредојде, премиере“ и фотографии со ликот на албанскиот премиер Еди Рама се поставени пред неговата посета во Прешево, Бујановац и Медвеѓа, во Јужна Србија, каде живее албанско население.
Билбордите ги поставила општина Прешево, а на една куќа во центарот на Прешево, на сто метри оддалечена од Домот за култура во којшто ќе се обрати Рама истакнато е албанското знаме со двоглав орел. Неколку часа пред посетата на Рама и почетокот на најавениот собир во Прешево преземени се сите мерки за безбедност. На секој чекор има полиција, на патот од Ниш до Прешево има полиција на секој паркинг и надвозник. Во градот со пет, шест билборди на албански јазик ќе биде пречекан Рама, кој треба да стигне во Прешево околу 11 часот. Најпрвин ќе му биде доделено признание за почесен граѓанин на Прешево, а потоа ќе се сретне со највисоките претставници на Албанците, со кои ќе разговара зад затворени врати во кабинетот на претседателот на општината.Потоа во Домот на културата ќе разговара со граѓани и претставници на јавниот живот, а територијата на Јужна Србија, ако се испочитува протоколот ќе ја напушти околу 12.30 часот. Албанците во Прешево велат дека изјавата на Рама не е ништо ново. Од друга страна Србите му даваат полна подршка на српскиот премиер Александар Вучиќ и бараат да се скрати посетата на Рама во Прешево.Ноќеска и утрово има зголемено присуство на полицијата во овој дел на Јужна Србија, а приведени се и неколку Албанци кои се обиделе на јавни места да го истакнат знамето на Албанија. „Од тие лица зедовме изјави за околностите за поставување на знамињата, а потоа ги пуштивме“ изјавиле од полицијата. Рама во понеделникот го прекрши протоколот при посетата на Белград зборувајќи за независноста на Косово, со што како што оцени српскиот премиер, ја злоупотреби довербата на домаќинот, кој возврати дека на никого нема да му дозволи да ја понижува Србија.„Жал ми е што господин Рама ја искористи оваа прилика да говори за тема која не е договорена, но моја обврска е да кажам дека Србија нема никој да ја понижува“ изјави Вучиќ.Премиерот Вучиќ на својот твитер профил напиша дека посетата на Рама во Белград била прилика Србија и Албанија да завртат нова страница во меѓусебните односи.
„Жалам што провокациите на премиерот Рама резултираа со пропуштање на оваа шанса, но сакаме и понатаму да соработуваме за добрата иднина на нашиот регион“ напиша Вучиќ на Твитер./крај/блиц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик не го признава геноцидот во Сребреница: „Ќе однесеме цвеќе, ако не навредува никого“
Во четвртокот, лидерот на Србија во Босна и Херцеговина, Милорад Додик, изрази подготвеност да го посети Меморијалниот центар Поточари во Сребреница и да положи цвеќе на заедничкиот споменик подигнат во спомен на масакрот на Бошњаците за време на војната, но тој повторно негираше дека таму имало геноцид.
Во интервју за новинската агенција на Република Српска, претседателот Додик најави дека владата и целото раководство на овој ентитет ќе заседаваат во Сребреница на 2 мај 2024 година, кога ќе се одржи дискусија пред Обединетите нации и се очекува гласање за Резолуција за осуда на геноцидот во тој град во летото 1995 година.
Резолуцијата е поддржана од дваесет земји, меѓу кои САД, Обединетото Кралство и Германија и се очекува нејзино усвојување. Целта е да се интернационализираат страдањата на Бошњаците во Сребреница.
Водечките српски претставници од Белград и Бања Лука, претседателите Александар Вучиќ и Милорад Додик, тврдат дека ова е обид да се префрли вината на српскиот народ.
„Република Српска нема да ја прифати резолуцијата за Сребреница за која ќе се одлучува во Генералното собрание на ОН бидејќи се што е напишано во неа е лага. Босна и Херцеговина не може да живее врз основа на тоа дека едната нација во неа е оквалификувана како геноцидна“, рече Додик.
Сепак, тој изрази подготвеност да им оддаде почит на жртвите од масакрот во Сребреница.
„Ако ни се укаже можност, на 2 мај ќе однесеме венци во Поточари, ако тоа не навреди никого. Не се плашам дека би можел да завршам како Вучиќ, кој дојде да им оддаде почит на жртвите, изрази сочувство, а доби камен во главата и никој не одговараше за тоа“, истакна Додик.
Тој смета дека Резолуцијата за Сребреница сепак нема да го добие потребното мнозинство на седницата на Генералното собрание на ОН.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.