Регион
Една жртва во експлозијата на истанбулскиот аеродром
Почина еден член на персоналот за одржување, од двајцата повредени во експлозијата која одекна ноќта кон средата на истанбулскиот аеродром „Сабиха Ѓокчен“.
Жртвата која е идентификувана како Зехра Јамач, била со фатални повреди пренесена во болница по експлозијата во авион паркиран во делот на аеродромот за сервисирање на леталата. Другата жртва е идентификувана како Канан Бургулу и е згрижена во универзитетската клиника „Мармара“ во Истанбул.
„Во експлозијата чија причина сé уште не е утврдена, беа повредени двајца колеги во авионот на ‘Pegasus’. Во леталото во време на инцидентот кој се случи во 2 часот на 23-ти декември, немаше патници“, се наведува во писмената изјава на компанијата испратена до медиумите.
Истанбулските медиуми наведуваат изјави на очевидци кои тврдат дека слушнале три последователни експлозии.
Засега нема официјална квалификација на инцидентот, а полицијата започна истрага за утврдување на причините за експлозијата и приведување на можни осомничени.
Во Истанбул од изминатата ноќ се забележливи засилените безбедносни мерки. Областите на аеродромите „Сабиха Ѓокчен“ и „Ататурк“ се надлетувани од полициски хеликоптери, а на приодите кон нив се распоредени безбедносни контроли.
Полицајци со заштитни елеци и автоматски пушки се распоредени веднаш по експлозијата на влезот од аеродромот. Полицијата, исто така, ги проверува сите возила во пошироката област на аеродромот, додека хеликоптер го надлетува подрачјето, пренесе агенцијата Anadolu.
Аеродромските власти соопштија дека засега нема пореметувања во полетувањата и слетувањата на авионите, како и дека се испитуваат примероци од местото на експлозијата.
Полициски извори за агенцијата DHA изјавиле дека се разгледуваат сите варијанти, вклучително и за можен терористички напад. Поради тоа од средата утрото, полициски хеликоптер ја надлетува областа и на другиот истанбулски аеродром „Ататурк“.
Гувернерот на Истанбул, Васип Шахин, потврди дека сé уште не е позната причината за инцидентот. „Истрагата продолжува“, рекол Шахин во кусата изјава за Anadolu./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
За европските избори во Хрватска беа пријавени 25 листи, осум помалку од 2019 година
Државната изборна комисија (ДИК) до крајниот рок доби 25 кандидатски листи за европските избори во Хрватска, што е за осум помалку од 2019 година.
Во недела на 9 јуни ќе се одржат избори за Европскиот парламент во Хрватска, а ќе се изберат 12 европратеници со мандат од пет години.
Со поднесување на списокот и официјално започнува изборната кампања која ќе трае до 7 јуни кога ќе започне изборниот молк.
Европските избори во Хрватска се втор изборен циклус годинава, по парламентарните избори одржани на 17 април, а на крајот на годината ќе се одржат и претседателските избори.
Регион
Повеќе од половина Србија обоена во жолто: Итно предупредување поради можно невреме
Жолта метеоролошка тревога е на сила на повеќе од половина од териториите во Србија и тоа во Бачка, Банат, Срем, Белград, Западна Србија, Поморавље и Шумадија, со цел да се предупреди за можна појава на грмежи.
Се очекува слаб до умерен дожд во областа Бачка.
Во Бачка во следните два часа на места ќе има врнежи од дожд со слаб до умерен интензитет.
Инаку, жолтиот метео аларм се „вклучува“ кога времето може да биде потенцијално опасно, поточно кога се предвидуваат опасни временски појави.
„Тие се со таков интензитет што можат да предизвикаат материјална штета и да бидат опасни за луѓето и животните. Треба да бидете многу внимателни, свесни за ризиците и редовно информирани за деталите за очекуваните метеоролошки услови“ велат од надлежните државни служби.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.