Регион
ЕК ја принудува Србија да се откаже од Јужен тек
Европската комисија има намера да и’ соопшти на Србија дека продолжувањето на изградбата на рускиот гасовод Јужен тек ќе влијае врз нејзините изгледи за приклучување кон Европската унија, пишува во вторникот Euobserver цитирајќи европски извори.
Во годишниот извештај на Европската комисија за проширувањето на Европската унија кој ќе биде објавен во среда, 8-ми октомври, се наведува дека „меѓувладиниот договор за изградба на гасоводот Јужен тека, потпишан меѓу Србија и Русија, не е во согласност со единствената регулаторна рамка на ЕУ“, пишува Euobserver.
„Србија не треба да пристапи на работите за изградбата на Јужен тек сé додека тој договор не биде доведен во согласност со регулаторната рамка на ЕУ“, се наведува во извештајот на Европската комисија во кој увид имал порталот.
Според изворите на Euobserver, документот се повикува на економската конкуренција како еден од трите услова за напредок на преговорите. „Ќе укажеме на важност од издвојувањето, транспарентноста на цената и пристапот на трети страни до енергетските мрежи“, изјавил неименуван европски функционер за медиумот.
Според европското законодавство, на компаниите не им е дозволено да имаа истовремено сопственоста со енеренсите и средствата за нивен транспорт и испорака. ЕК ги предупреди државите учеснички во проектот Јужен тека дека ќе се соочат со казни доколку продолжат да го градат.
Покрај со Србија, Русија потпиша договори за Јужен тек и со повеќе земји членки на ЕУ, како Австрија, Бугарија, Хрватска, Грција, Унгарија и Словенија.
Аргумент за притисок врз Србија, на којашто Јужен тек може да и’ донесе две милијарди ера во странски инвестиции, е забавувањето на темпото на преговорите за членство во Европската унија, забележува Euobserver./крај/мф/сн
Извор: Euobserver
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ во ОН: Курти денес не е во Њујорк оти води тајна кампања во Северна Македонија
За време на седницата на Советот за безбедност на Обединетите нации посветена на шестмесечниот извештај на генералниот секретар на ОН Антонио Гутереш за работата на УНМИК, српскиот претседател Александар Вучиќ го обвини лидерот на движењето Самоопределување, Аљбин Курти за мешање во внатрешните работи на Македонија.
Вучиќ истакна дека Курти не бил присутен на седницата во Њујорк бидејќи бил зафатен со водењето на изборната кампања на неговата партија во соседна држава.
Вучиќ изрази изненаденост од тоа што, според него, најпопуларен политичар во Македонија е претседателот на Србија, иако нема кампања во таа земја.
Тој посочи дека како претседател на Србија се извинува за постапките на, како што го нарече, српскиот граѓанин Аљбин Курти и истакна дека мешањето во внатрешните работи на Северна Македонија не е политика на Србија, туку постапка на неодговорен граѓанин.
Регион
Уапсена државјанка на Јужна Африка, осомничена дека ја убилa мајка си во Црна Гора
Јужноафриканска државјанка е уапсена под сомнение дека утрово ја убила својата мајка во Пераст.
Полициската управа соопшти дека медицинскиот персонал на Здравствениот дом во Котор пријавил во полиција дека во станбена зграда во Пераст е пронајдено безживотно тело на жена, а таму била пронајдена и нејзината ќерка Н.Л.Т., пренесува Вијести.
„Полицијата излезе на местото на настанот каде е утврден идентитетот на починатата, а преземени се мерки и дејствија за утврдување на фактите и околностите под кои настапила смртта“, се вели во соопштението на полицијата.
Оттаму додаваат дека увид на лице место е извршено во присуство на обвинител од Вишото државно обвинителство во Подгорица, како и службеник од Центарот за судска медицина.
„По преземени сеопфатни истражни дејствија, припадниците на полицијата дошле до сомнение дека сторител на ова кривично дело е Н.Л.Т. и таа е лишена од слободата.
Регион
Османи: Белград ја спречува интеграцијата на Србите во институциите на Косово
Косовската претседателка Вјоса Османи упати низа обвинувања за Србија на седницата на Советот за безбедност (СБ) на Обединетите Нации (ОН) посветена на Косово.
Османи обвини дека Белград ја спречува интеграцијата на Србите во институциите на Косово.
Таа изјави дека Србија ја заплашува српската заедница на северот на Косово, а како пример го наведе неодамнешното апсење на косовски полицајци во Србија, пренесува „Радио Слободна Европа“.
Османи обвини и оти Србија претходните денови на граница задржувала автобуси со патници од албанска националност.
Владата на Косово претходно овие постапки ги оцени како одмазда на Србија за поддршката дадена од Парламентарното собрание на Советот на Европа за членството на Косово во оваа организација.
„Србите во Косово се под притисок, но од страна на властите во Србија“, рече Османи.