Регион
Екс разузнавач тврди дека Хашим Тачи е француски агент
– Поранешниот шеф на француското разузнавање, Пјер Сираму
Поранешниот челник на француското разузнавање Пјер Сираму, во документарната програма за телевизијата Канал Плус тврди дека поранешниот косовски премиер и шеф на дипломатијата, Хашим Тачи работел за француската тајна служба, пренесува албанската новинска агенција Balkanweb.
Поранешниот челник на француското разузнавање Пјер Сираму, во документарната програма за телевизијата Канал Плус тврди дека поранешниот косовски премиер и шеф на дипломатијата, Хашим Тачи работел за француската тајна служба, пренесува албанската новинска агенција Balkanweb.
Истиот извор наведува дека Хашим Тачи бил регрутиран како соработник на француската служба од страна на тогашниот разузнавачки офицер на одделот за балкански прашања Арно Дајнеан, и тоа за време на преговорите во Рамбује, во Франција.
Во документарната емисија, исто така, се тврди дека герилската војска на косовските Албанци, Ослободителната војска на Косово (ОВК- УЧК) се снабдувала со оружје преку канали во француската престолнина Париз.
Хашим Тачи, актуелен лидер на Демократската партија на Косово (ДПК), во истата документарна емисија вели дека Франција го помогнала Косово, а не него лично./крај/мф/кн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Повеќе од половина Србија обоена во жолто: Итно предупредување поради можно невреме
Жолта метеоролошка тревога е на сила на повеќе од половина од териториите во Србија и тоа во Бачка, Банат, Срем, Белград, Западна Србија, Поморавље и Шумадија, со цел да се предупреди за можна појава на грмежи.
Се очекува слаб до умерен дожд во областа Бачка.
Во Бачка во следните два часа на места ќе има врнежи од дожд со слаб до умерен интензитет.
Инаку, жолтиот метео аларм се „вклучува“ кога времето може да биде потенцијално опасно, поточно кога се предвидуваат опасни временски појави.
„Тие се со таков интензитет што можат да предизвикаат материјална штета и да бидат опасни за луѓето и животните. Треба да бидете многу внимателни, свесни за ризиците и редовно информирани за деталите за очекуваните метеоролошки услови“ велат од надлежните државни служби.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Регион
Убиен работник од Украина во Славонски Брод
Во центарот на Славонски Брод во попладневните часови е пронајдено машко тело.
Полициската управа Брод-Посавина соопшти дека е приведено едно лице поврзано со инцидентот.
Се работи за млад градежен работник од Украина. Конфликт се случил во стан во центарот на градот каде што биле сместени работниците (родени во 90-тите).
Полицијата соопшти дека телото на мажот е пронајдено во куќата околу 15:17 часот и дека се води истрага, а потоа и кривична истрага која треба да ги расветли сите околности.