Регион
Експлозивна направа фрлена врз возилото на началникот на штабот на армијата на БиХ
Непознати лица во петокот вечерта во тунелот Салаковац кај Мостар од возило во движење фрлиле експлозивна направа врз возилото во кој биле началникот на Здружената команда на Оружените сили на БиХ, генерал-полковникот Анто Јелеч, но во експлозијата нема поведени, потврди министерството за внатрешни работи на Херцеговско-неретванската жупанија.
„Се случи експлозија во тунелот Салаковац. Минав низ чад. Видов експлозија и пријавив во полицијата. Не сум повредени, ниту моето возило е оштетено“, изјавил генералот Јелеч за хрватската агенција Hina. Не сакал да заборува за други поединости од инцидентот.Според Људевит Мариќ, портпаролот на министерството за внатрешни работи на Херцеговско-неретванската жупанија, експлозијата на полицијата ѝ била пријавена по 20,10 часот. Додал дека се собираат докази од местото на инцидентот. Потврдил дека нема повредени меѓу лицата од придружбата на генералот, во експлозијата од направата која била фрлена кога тоа возило го претекнувало возилото на генералот Јелеч.Мариќ не можел да потврди дали станува збор за нов терористички чин врз припадници на вооружените сили на Босна и Херцеговина.Во средата припадник на радикалното исламско вехабиско движење уби двајца босански војници во сараевското предградие Рајловац.Порталот Klix.ba, пак, дознава дека на теренот не излегле екипи на Обвинителството на БиХ, и оти станува збор инцидент во кој генералот се нашол сосема случајни и оти, тој не може да биде поврзан со тероризам.Директорот на државната безбедносна агенција SIPA, Перица Станиќ, потврдил дека нејзини припадници не излегле на теренот, што според сараевските медиуми укажува дека на тоа дека во овој случај не станува збор за терористички акт./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.