Регион
Ердоган: Ако се докажат руските тврдења за купувањето нафта од IS, ќе поднесам оставка
Турскиот претседател Реџеп Тајип Ердоган рече во среда дека никој нема право да ја ‘клевети’ Турција дека купува нафта од таканаречената Исламска држава и најави дека ќе поднесе оставка доколку таквите наводи се покажат како вистинити.
Ердоган, говорејќи на Универзитетот во Доха, главниот град на Катар, со тоа ги коментираше изјавите на функционер во руското Министерство за одбрана, кој тврди дека имат докази оти Турција е главниот купец на нафтата од терористичката организација Исламска држава и дека во бизнисот е вплеткано семејството на турскиот претседател Ердоган.
„Никој нема право да ја клевети Турција говорејќи дека Турција купува нафта од Даеш“, рече Ердоган користејќи ја арапската скратеница за Исламска држава.
Во Москва функционери на руското Министерство за одбрана како доказ за ваквите тврдења прикажаа сателитска снимка за која тврдат дека прикажува колона цистерни што се полнат со нафта на постројките што ги контролира IS во Сирија и во Ирак, а потоа ја преминуваат границата кон соседна Турција. Утврдиле дека Турција е главен потрошувач на та нафта украдена од легитимните власти во Сирија и Ирак и го обвинија водството на земјата, вклучувајќи го претседателот Ердоган и неговото семејство, дека се вклучени „во тој злосторнички бизнис“.
Претставници на турската влада овие тврдења ги оценија како неосновани. Односите меѓу двете земји се влошија кога минатата недела турската војска собори руски бомбардер во близина на сириската граница, на што Москва одговори со економски санкции за Турција.
Продажбата на нафта е клучен извор на приходи за Исламска држава. /крај/хн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.