Регион
Ердоган го осуди нападот во Анкара со 86 мртви PKK ги прекинува герилските активности
Турскиот претседател Реџеп Тајип Ердоган остро го осуди двојниот бомбашки напад во кој се убиени најмалку 86Најмалку луѓе и повеќе од сто се ранет во саботата утрото во престолнината Анкара, велејќи дека тоа е удар врз единството и мирот.
Најмалку 86 луѓе загинаа во двете експлозии кои ја потресоа Анкара на влезот на главната железничка станица пред почетокот на протестот за мир на кој повикаа синдикатите и невладините организации, изјави турскиот министер за здравство Мехмет Мујезиоглу шест часа по нападот. На прес-конференцијата пренесувана на турските телевизии додаде дека 62 лица загинале на самото место на нападот а уште 24 починале во болниците. Околу 18 луѓе се итно подвргнати на операции а уште 28 други се во критична состојба, додаде министерот.
Во соопштението од кабинетот на турскиот претседател Реџеп Тајип Ердоган тој повикува на „солидарност и решителност како најсмислен одговор на теророт“ и вели дека оние коишто стојат зад овој напад сакаат да посеат раздор во турското општество.
Забранетата во Турција милитантна организација Работничка партија на Курдистан (PKK) ги повика своите борци да ги запрат герилските дејствија во Турција, и да дејствуваат само доколку самите бидат нападнати, објави интернет портал близок на оваа групација во саботата, три месеца откако PKK објави дека поради активностите на турските власти става крај на двегодишното примирје.
Новинската агенција Firat извести дека челник на PKK изјавил дека таквата одлука е донесена како одговор на повиците во и надвор од Турција, како и дека курдските борци ќе ги избегнуваат акциите коишто би можеле да спречат одржување на „чесни и праведни избори“ на 1-ви ноември.
Објавата следуваше и е директно поврзана со двете експлозии во Анкара во коишто главни жртви се приврзаниците на прокурдските и левичарските партии и движења. Турската влада го квалификуваше инцидентот како терористички напад.
Турската прокурдска опозициска Демократска народна партија (HDP) објави дека нејзините членови биле цел на нападот и предупреди дека бројот на жртвите може да расте имајќи предвид дека повеќе од 120 луѓе се тешко повредени
„Веднаш по почетокот на поворката, околу 10.04 часот, се случија два бомбашки напада во поворката на HDP. Оттаму, јасно е дека главната цел на нападот беше партијата. Многу луѓе се тешко повредни, затоа стравуваме дека бројот на загинатите може да расте“, соопштија од партијата.
Нападот во Анкара остро го осуди и НАТО, оценувајќи дека „нема оправдувања за таквиот грозен напад на луѓе кои протестираа за мир“.„Сојузниците во НАТО остануваат обединети во борбата против тероризмот“ истакна во соопштението генералниот секретар на НАТО Јенс Столтенберг./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Почна нова детална потрага по Данка, пристигнаа спасувачки екипи со куче
Две специјалистички спасувачки екипи од Белград и Нови Сад, Одделот за вонредни состојби на МВР на Србија, синоќа пристигнале во Бањско поле и рано утринава започнале детално пребарување на просторот околу куќата пред која исчезнало двегодишното девојче.
Екипите се состојат од 18 пожарникари-спасувачи со 5 теренски возила и едно куче.
Припадниците на српската полиција во континуитет ги преземаат сите мерки и дејствија за пронаоѓање на девојчето и утврдување на сите факти и околности за нејзиното исчезнување, информираат од Министерството за внатрешни работи на Србија.
Што правеа багерите вчера околу куќата од каде што исчезна Данка
Вчера околу куќата каде исчезна Данка во Бањско поле имаше два багери.
Според Телеграф.рс, багерите првенствено работеле на расчистување на теренот бидејќи куќата била опкружена со депонија, па полицијата за полесни претреси го расчистува просторот од гломазен и друг отпад.
„Сечат дрвја и го отстрануваат отпадот бидејќи околу куќата има депонија“, јави репортер од местото на настанот.
Регион
Силен земјотрес ја погоди Бугарија
Земјотрес со јачина од 3,8 степени според Рихтеровата скала ја погоди Бугарија, јавува ЕМСЦ.
Земјотресот е регистриран во 8:38 часот по локално време, на четири километри од Девин, на длабочина од девет километри.
🔔#Earthquake (#земетресение) M3.8 occurred 6 km SW of #Devin (#Bulgaria) 4 min ago (local time 08:38:05). More info at:
📱https://t.co/IbUfG7TFOL
🌐https://t.co/MSdvNiasPN
🖥https://t.co/ycq6JSIzuY pic.twitter.com/jACmTRndoJ— EMSC (@LastQuake) March 29, 2024
Речиси половина час пред овој земјотрес Бугарија ја погоди потрес со јачина од 2,4 степени според Рихтеровата скала.
Забележан е во 8:09 часот по локално време.
Во 08:42 часот е регистриран и трет земјотрес со јачина од 2,2 степени според Рихтеровата скала.
Засега нема информации за повредени или материјална штета.
Регион
Четврти ден од потрагата по двегодишната Данка, родителите во фокусот на полицијата
Четврти ден од потрагата по малата Данка, двегодишното девојче кое исчезна во вторникот околу 13 часот и 45 минути во приградската населба Бањско Поле, во близина на градот Бор, во Србија. Мајката раскажала како Данка исчезнала од дворот на семејната куќа додека одела да му даде вода на постарото дете. Родителите биле сослушани во полиција, а на мајката и бил одземен мобилниот телефон.
Полицијата завчера околу 17:30 часот го прекина претресот на теренот.
„Сите досегашни резултати укажуваат дека девојчето не е на овој простор од околу 10 квадратни километри“, соопшти полицијата.
Родителите на Данка вчера цел ден биле во полиција на распит. Полицијата ги разделила и спиеле во различни куќи. Багери, полицајци и пожарникари пристигнаа околу куќата каде исчезна девојчето, сечеа дрвја околу куќата и го исчистија просторот и копаа. Досега полицијата сослушала повеќе од 50 лица.
Синоќа се појави вест дека тројца мажи се уапсени во Босна и Херцеговина. Според медиумите, тие на Тикток објавиле дека имаат информации за исчезнувањето на Данка и барале пари во замена за оваа информација. Министерството за внатрешни работи на Србија соопшти дека еден од нив рекол дека Данка е во неговиот подрум. Како што се дознава, тие на распитот рекле дека само се шегувале.
Зошто полицијата е фокусирана на родителите?
Јавноста беше заинтригирана од фактот што полицијата толку многу се фокусираше на сослушувањето на родителите на Данка. Така Милош и Ивана Илиќ, родителите на Данка, вчера речиси цел ден и ноќ го поминаа во полициска станица на информативен разговор.
„Првиот дел од потрагата покажа дека немало ад хок исчезнување на девојчето. Вториот дел од потрагата сега е фокусиран и е многу посериозен во однос на собирање податоци за тоа кој би можел да биде мотивот зад исчезнувањето“, рече за српски Блиц, Братислав Тимотијевиќ, пензиониран инспектор на криминалистичката полиција во Ниш.
Затоа полицијата сега детално ги проверува сите околности на пријавата на мајката за исчезнувањето на Данка, се што се случило помеѓу времето на исчезнувањето на Данка Илиќ и доаѓањето на првите полициски патроли, како и сето она што тие патроли пронашле при пристигнувањето во Бањско поле.
Познавачите напоменуваат дека тоа што полицијата ја проверува изјавата на мајката, дека нејзиниот мобилен е испратен на анализа и дека таа и нејзиниот сопруг двапати биле интервјуирани во полиција, не значи дека некој од нив или некој во потесното семејството е осомничен или обвинето за било што. Деталните проверки на членовите на потесното семејство се вообичаени во такви случаи и може да доведат до постоење на поединечни лица.
„Мора уште еднаш да се провери сè за да се увериме дека навистина нема траги дека девојчето некаде исчезнало и дека е веројатно во тој дел. Сите прашања се отворени, сите можности се во фокусот, секој детал мора да се истражи. Ништо не може да се остави настрана или лесно да се прифати“, вели Тимотијевиќ.