Регион
Ердоган кон светските медиуми: Дали е ова вашето сфаќање за демократијата?
Турскиот преседател Реџеп Тајип Ердоган го повикал светот да ги почитува резултатите од парламентарните избори во оваа земја, на кои неговата Партија на правдата и развојот (АКП) освои скоро 50 проценти од гласовите, пренесуваат светските агенции.
Турскиот преседател Реџеп Тајип Ердоган го повикал светот да ги почитува резултатите од парламентарните избори во оваа земја, на кои неговата Партија на правдата и развојот (АКП) освои скоро 50 проценти од гласовите, пренесуваат светските агенции.
Обраќајки се после молитвата во џамијата во Истанбул, Ердоган изјавил дека Турците во неделата гласале за стабилност, по неуспешните преговори за коалицијата по изборите кои беа првично спроведени во јуни годинава. Сепак, во негов карактеристичен стил, Ердоган ги нападнал светските медиуми, поради тоа што го критикувале.
„Дали е ова вашето сфаќање за демократијата? Сега кога партијата достигна моќ со освоени околу 50 проценти од гласовите. Тоа треба да го почитува цел свет, а јас не сум видел таква зрелост“, рекол Ердоган.
Прелиминарните избори од парламентарните избори во Турција покажуваат дека АКП, со убедлива победа го врати парламентарното мнозинство и Турците се вратија на еднопартиско владеење. По повеќе од 95 проценти преброени гласови, АКП освоила нешто над 49 отсто, известува турската државна телевизија. Според резултатите АКП ќе добие 316 пратенички места во 550-члениот Парламент, што ќе биде доволно за да формира сопствена влада.
Партијата за првпат во 13 години го изгуби мнозинството на изборите во јуни, кога во Парлементот за првпат, пак, влезе Курдската народна демократска партија. Оваа партија сега освоила 10,4 отсто од гласовите, додека истата во јуни освои 13 проценти. Клучниот предизвик за турската влада пак и натаму останува растечкиот судир со најголемото малцинство во Турција, односно Курдите.
Ердоган изјавил дека гласачите избрале „единство и интегритет“, иако аналитичарите велат дека неговата изненадувачка победа е заснована воглавно на монтираната загриженост поради обновените курдски и џихадистички напади. Изненадувачката изборна победа влијаела и на порастот на вредноста на турската лира кон доларот за 4,4 отсто, па така сега еден долар вреди 2,78 лири.
Лидерот на главната опозициска Републиканска народна партија, Кемал Киличдароглу изјавил дека изборните резултати поставиле големи одговорност пред партијата. Неговата партија ЦХП на изборите добила 25,78 отсто од гласовите, или 135 мандати во Парламентот.
„Го почитуваме денес она што го направивме на 7-ми јуни. Никој не треба да се стави себеси над законите, а животите и имотната безбедност на секој граѓанин треба да се заштити. Секогаш бевме на страната на обесправените и ќе продолжиме да го правиме тоа“, рекол Киличдароглу.
Тој истакнал дека никој не треба да се плаши околу иднината на Турција, бидејќи ЦХП донел демократијата во земјата и дека ќе продолжи да го прави тоа./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик не го признава геноцидот во Сребреница: „Ќе однесеме цвеќе, ако не навредува никого“
Во четвртокот, лидерот на Србија во Босна и Херцеговина, Милорад Додик, изрази подготвеност да го посети Меморијалниот центар Поточари во Сребреница и да положи цвеќе на заедничкиот споменик подигнат во спомен на масакрот на Бошњаците за време на војната, но тој повторно негираше дека таму имало геноцид.
Во интервју за новинската агенција на Република Српска, претседателот Додик најави дека владата и целото раководство на овој ентитет ќе заседаваат во Сребреница на 2 мај 2024 година, кога ќе се одржи дискусија пред Обединетите нации и се очекува гласање за Резолуција за осуда на геноцидот во тој град во летото 1995 година.
Резолуцијата е поддржана од дваесет земји, меѓу кои САД, Обединетото Кралство и Германија и се очекува нејзино усвојување. Целта е да се интернационализираат страдањата на Бошњаците во Сребреница.
Водечките српски претставници од Белград и Бања Лука, претседателите Александар Вучиќ и Милорад Додик, тврдат дека ова е обид да се префрли вината на српскиот народ.
„Република Српска нема да ја прифати резолуцијата за Сребреница за која ќе се одлучува во Генералното собрание на ОН бидејќи се што е напишано во неа е лага. Босна и Херцеговина не може да живее врз основа на тоа дека едната нација во неа е оквалификувана како геноцидна“, рече Додик.
Сепак, тој изрази подготвеност да им оддаде почит на жртвите од масакрот во Сребреница.
„Ако ни се укаже можност, на 2 мај ќе однесеме венци во Поточари, ако тоа не навреди никого. Не се плашам дека би можел да завршам како Вучиќ, кој дојде да им оддаде почит на жртвите, изрази сочувство, а доби камен во главата и никој не одговараше за тоа“, истакна Додик.
Тој смета дека Резолуцијата за Сребреница сепак нема да го добие потребното мнозинство на седницата на Генералното собрание на ОН.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.