Регион
Ердоган од историскиот Самсун ја започна кампањата
Турскиот премиер Реџеп Тајип Ердоган, кандидат за претседателските избори кои ќе се одржат во август годинава, во саботата ја започна својата кампања со ветување на своите приврзаници дека како шеф на државата ќе има моќ да го покрене „новиот почеток“ на Турција.
„Го правиме првиот чекор кон новиот почеток“, изјави Ердоган пред масата своите поборници на првиот предизборен собир во Самсун. Ердоган кој на 1-ви јули ја најави својата кандидатура на претседателските избори, беше дочекан во Самсун од мноштво членови и приврзаници на неговата Партија на правдата и развојот (АКР).Ердоган го одбра градот Самсун, од кој во 1919 година, основачот на модерната турска држава, Мустафа Кемал Ататурк трган во војната против странските сили за независност на Турција. „Деведесет и пет години подоцна и ние од тука го правиме првиот нов чекор за Турција – го почнуваме патот кон изборот на новиот претседател на Турција“, изјави 60-годишниот Ердоган кого неговите поддржувачи го сметаат за личноста којашто ја гарантира стабилноста на земјата.Исламско конзервативниот премиер, кому противниците му забележуваат дека сака да ги наметне муслиманските верски вредности на штета на секуларноста на државата и потсетуваат дека бил вмешан во корупциски скандал, и натаму е најпопуларниот политичар во Турција и се очекува негова лесна победа уште во првиот круг од претседателските избори,Првиот круг од турските претседателски избори ќе се одржи на 10-ти август, и тоа ќе биде првпат Турците да го избираат шефот на државата непосредно преку избори. Оваа функција, којашто сега ја извршува Абдула Ѓул, исто така од АКР, досега беше главно протоколарна. Меѓутоа, Ердоган во Самсун потсети дека има намера целосно да ги користи овластувањата но и да ги прошири, што предизвика загриженоста особено кај опозицијата.„Докажавме дека сме во служба на народот“, истакна Ердоган ветувајќи дека новиот претседател ќе ги извршува сите овластувања вклучително и новите./крај/мф/сн
Извор: Dogan
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Потрагата по Данка Илиќ продолжува трет ден, се проверуваат телефоните на родителите
И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување на сите факти и околности поврзани со исчезнувањето на детето
Потрагата по исчезнатото двегодишно девојче Данка Илиќ од Бањско Поље, кај Бор, продолжува трет ден, а полицијата ќе ги проверува базните станици и ќе ги прегледа мобилните телефони на родителите, за да потврди со кого биле во контакт во периодот кога девојчето исчезнало.
Продолжувањето на потрагата ќе се изврши оперативно, откако е утврдено дека девојчето не е на 10 квадратни километри од местото на исчезнувањето.
Полицијата ќе ги испрашува и луѓето кои биле во близина непосредно пред или по исчезнувањето на девојчето, со цел да се утврдат детали кои можеби биле пропуштени во текот на истрагата која е во тек.
Исчезнувањето на двегодишното девојче за првпат го активира системот „Најди ме“ во Србија кој е наменет за итно известување на јавноста во случај на исчезнување на малолетно лице.,
Данка Илиќ (2) има кафеава коса, кафеави очи и е висока околу 85 сантиметри. На денот на исчезнувањето носела виолетови панталони и јакна во маслинесто зелена боја.
Регион
„Се плашам дека е киднапирана“, рече дедото на исчезнатото девојче Данка
Дедото на исчезнатото девојче Данка Илиќ (2), кое пред повеќе од 27 часа беше изгубено во приградската населба Бањско поле во околината на Бор, за телевизија Блиц изјави дека „низ главата му поминува можноста детето да е киднапирано“.
„Се уште се надевам дека е жива, но неверојатно е никој да не може да ја најде меѓу толку луѓе. Само една опција ми паѓа на ум, дека е киднапирана. Но, не можам да тврдам. Жандармерија, дронови, хеликоптери, цела Србија беше тука и сите ја бараа. Луѓето беа на еден метар еден од друг и никој не може да ја најде“, изјави Милан Илиќ.
Тој рече и дека го плаши фактот што бугарската граница е блиску.
„До бугарската граница преку новиот пат се стигнува за 45 минути, најмногу еден час. Не е точно дека се потребни пет часа, како што кажа некој утринава на телевизија. Кладово е веќе многу подалеку, оддалечено е 150 километри, но Бугарија е многу блиску“, рече тој.
Регион
Полицијата го прекина пребарувањето на теренот: „Јасно е дека Данка не е на ова подрачје“
Припадниците на српската полиција по 27 часа детално пребарување на теренот во потрага по двегодишната Данка Илиќ во приградската населба Бањско Поље и Брестовачка бања, ги прекинаа понатамошните претреси, со оглед дека сите досегашни резултати укажуваат дека девојчето не е на овој простор од околу 10 квадратни километри, пренесува српски Телеграф.
Полицијата продолжува со интензивна оперативна работа за утврдување на сите факти и околности поврзани со исчезнувањето на детето, за што јавноста ќе биде навремено информирана, соопшти полицијата.
Според неофицијални информации на порталот Нова.рс, српската полиција има индиции кои ја одвеле истрагата надвор од местото на исчезнувањето на девојчето, а кон тие траги се упатени полициските единици.