Регион
Ердоган сака да отвори нова страница во односите со Русија
Турскиот претседател Реџеп Тајип Ердоган во пресрет на средбата со неговиот руски колега Владимир Путин во вторник, во интервјуто за агенцијата ТАСС објавено во понеделникот вели дека сака одново да ги покрене одново односите со Русија и да ја обнови соработката во многу сектори.
Турскиот челник го даде интервјуто за руската новинска агенција пред посетата на Санкт Петербург со којашто сака да стави крај на периодот на висока напнатост меѓу двете земји откако кон крајот на ноември минатата година турските воздухопловни сили соборија руски бомбардер на сириско-турската граница.
Русија како одговор на овој инцидент сé додека не го доби бараното извинување од страна на турскиот претседател Реџеп Тајип Ердоган наметна економски санкции. Еден од најголемите удари претрпе турскиот туристички сектор, бидејќи бројот на руски туристи кои во Турција оставиле околу четири милијарди долари, во првите шест месеци од 2016 година паднал за 87 отсто.
Ердоган во интервјуто повеќепати кога зборува за Путин ги користи термините „драг“ или „почитуван“ и го нарекува пријател.
Истакнува дека неговата посета е нов патоказ во билатералните односи, каде ќе се тргне од нулата. „Ќе биде отворена нова страница на руско-турските врски. Таа нова страница ќе вклучува воена, економска и културна соработка и јас од сесрце од лично и од името на целата турска нација го поздравувам господин Путин и сите Руси“, вели Ердоган.
„Нашите земји се клучните играчи во регионот и им претстои многу на сторат заедно. Со таквото убедување доаѓам во посета на Русија. Воопшто не се сомневам дека Путин на ист начин се подготвува за посетата./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.