Регион
Ердоган: Турција не паѓа лесно на вакви бунтови
Во 6.30 часот во саботта утрото турскиот претседател Реџеп Тајип Ердоан по третпат од синоќа ѝ се обрати на нацијата од истанбулскиот аеродром „Мустафа Кемал Ататурк“ и им се заблагодари на граѓаните за покажаната поддршка во текот на ноќта, подвлекувајќи дека како претседател на државата се наоѓа на својата должност.
Асуде А. Кочан, од Истанбул
„Турција не е земја која така евтино ќе се прeдаде на вакви бунтови. Сѐ додека сме сплотени ќе можеме да постигнеме сѐ,“ истакна Ердоан. И притоа се обрати до лидерот на движењето „Хизмет“ во Пенсилванија, САД, исламскиот проповедник Фетулах Ѓул, кого го смета за одговорен за обидот за воен удар кој започна во петокот доцна попладнето.
„Доста е со непријателството што му го правите на овој народ“, рече Ердоан, порачувајќи „нема да бидете доволно моќни за да ја замешате оваа земја оттаму“.
„Не можат да го сварат растот на оваа земја и зајакнувањето на овој народ, но сакале не сакале тоа ќе се случи“, рече турскиот претседател кој соопшти дека воздухопловната компанија „Туркиш ерлајнс“ повторно започнал со своите летови.
„Сѐ додека не се нормализира состојба ќе бидеме заедно“, му порача на насобраниот народ пред аеродромот кој го поздрави со со скандирања „Турција се гордее со тебе“.
Турција мина мачна ноќ во текот на неуспешниот обидот за воен удар од страна на воената фракција која имала намера да ја собори владата и кој започна во петокот попладне со затворањето на двата моста преку Босфор и упад на истанбулскиот аеродром како и во државната телевизија TRT во Анкара. Во текот на ноќта беа извршени упади и обиди за преземање на контролата во телевизијата CNNTürk која за кратко време со интервенција на полицијата и притворање на припадниците на бунтовничката фракција за обидот за воен удар, повторно продолжи со програмата.
Рано изутрина и во зградата на TRT во Харбије во Истанбул полицијата имаше интервенција и притвори група војници. Премиерот Бинали Јилдирим и претседателот на Турција Реџеп Таип Ердоан во текот на ноќта неколупати ѝ се обратија на нацијата и повикаа народот да излезе на плоштадите и на улиците за да даде поддршка во одбрана на демократијата.
Реки од луѓе излегоа на улиците во заштита на единството и интегритетот на земјата. При едно од обраќањата на нацијата претседателот Ердоан изјави дека хотелот во Мармарис во кој претходно престојувал е бомбардиран и дека на патот за истанбулскиот аеродром бил направен обид за изолирање на неговиот авион. Ја повика нацијата на смиреност и поддршка во борбата со „паралелната државна формација раководена од Пенсилванија“.
Подвлече дека се покажало дека се работи, како што тврдеше, за терористичка организација која со оружје се обидела да ја преземе власта. Обидот за воен удар го нарече „предавнички потег“ кон татковината насочено кон влада која е дојдена на власт со гласовите на народот.
„Ова се случува пред одржување на седницата на Високиот воен совет и некои знаеја што точно ќе се случи и затоа презедоа еден ваков чекор. Пред кратко време на аеродромот имавме напад од Исламската држава и сега на истото место се расправаме со паралелната формација и над аеродромот летаат авионите ‘F-16”, истакна Ердоан.
Лидерите на опозицијата го осудија обидот за воен удар кратко по првите вести. Во текот на ноќта сѐ до утринските часови се слушаа во Истанбул и Анкара каде беа фрлени 4 бомби врз зградата на турскиот парламент кој беше бомбардиран четири пати во текот на ноќта. Премиерот Бинли Јилдирим во текот на ноќта ја повика бунтовната воена фракција да се откаже од „лудоста во која се впуштила“ и да си ги „ублажи казната“ која ќе следи.
Тој соопшти дека е притворен е убиен еден хунташки генерал. Официјално се наведува бројка од 60 жртви и повеќе од стотина повредени при судирите во разни престрелки.
Свикана е вонредна седница на собранието. Во шест часот изутрина во близина на дворецот на претседателот на Турција се фрлени две бомби од страна на „F-16“ авиони, а од регионот допираат истрели од судирите меѓу припадниците на власта и фракционата воена групација, додека сѐ уште нема информации за евентуални нови жртви. Во меѓувреме соборен е хеликоптерот кој го бомбардираше „Турксат“, при што загинаа 17 припадници на специјалните сили, а на Босфорскиот мост на кој има тенкови, во утринските часови војниците кои учествуваа во обидот почнаа да се предаваат.
Ситуацијата во земјата е сѐ уште неизвесна, над небото над Анкара летаат воени авиони и се слушаат истрели и бомбардирања./крај/мф/аак
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Таткото на осомничениот за убиството на Данка Илиќ го откажал полномошното на адвокатот
Небојша Живановиќ, адвокатот на Радослав Д., таткото на Дејан Д., кој е осомничен за убиството на двегодишното девојче Данка Илиќ, за Танјуг изјави дека неговиот клиент го откажал полномошното.
Радослав Д. е осомничен дека му помогнал на својот син да го премести телото на девојчето од депонијата на засега непозната локација.
Со оглед на тоа што го откажал полномошното на избраниот бранител, сега треба да му се определи бранител по службена должност на Радослав Д.
Биолошкиот брат на осомничениот Дејан Д., Далибор Д., почина на 7 април во Полициската станица во Бор, каде беше осомничен дека му помогнал на својот брат да го скрие телото на двегодишното девојче.
Двегодишната Данка Илиќ исчезна на 26 март во Бањско поле кај Бор, а полицијата по 10-дневна потрага и детални проверки и информации ги уапси Срѓан Ј. и Драган Д. од Бор, кои се осомничени дека го удриле девојчето со автомобил, а потоа нејзиното тело го ставиле во багажникот на автомобилот и го однеле на депонија.
Телото на девојчето се уште не е пронајдено.
Регион
Никола Роквиќ тргна пеш на пат долг 1.150 километри на хумана мисија
Никола Роквиќ пеш тргна кон Грција и треба да помине 1.150 километри, а сето тоа во хуманитарна мисија.
Тој и неговата сопруга Бојана неодамна ја основаа „Фондација за семејство“, а за да им помогне на оние на кои им е потребна помош, реши да направи неверојатен чекор достоен за восхит.
Треба да стигне до Егина, каде што ќе се поклони на Свети Нектариј Егински. Пред заминувањето тој со семејството ја посети црквата Свети Сава каде се помоли.
„По овој пат решив да тргнам од љубов кон луѓето и се надевам дека ќе биде за радост на многумина, се надевам дека ќе биде за радост на многумина, се надевам дека ќе биде за помош на многумина. Првенствено да помогнам на многу семејства, на многу деца, но најважно да им помогнам на болните деца, поради што во голема мера го започнав ова патување. Започнавме фондација која ќе му помага на семејството, која ќе помага на талентирани деца, на многудетно семејство, но и на болни деца“, изјави Никола во храмот Свети Сава за „Телеграф“.
Никола последниве месеци се подготвуваше за овој потфат со големи планинарски тури.
Регион
Европскиот парламент одобри визна либерализација за Србите од Косово
Европскиот парламент денеска одобри визна либерализација за имателите на српски пасоши од Косово, кои ги издава Координативната управа на Србија на предлог на европратеникот и известувач за укинување на тие визи, Матјаж Немец.
За извештајот на Немец гласале 406 од 597 европратеници, 97 биле против, а 94 биле воздржани.
По гласањето во ЕП, последниот збор за овој предлог треба да го дадат министрите на Советот на ЕУ.
Претходно овој месец, амбасадорите на земјите членки на ЕУ се согласија со предлогот на ЕП и Советот на ЕУ за измена на регулативата за иматели на српски пасоши издадена од Координативната управа на Србија, со која се доделува визна либерализација на носителите на овие пасоши, пишува српската новинска агенција „Танјуг“.
Претходно, Комитетот за граѓански слободи, правда и внатрешни работи на ЕП на 9 април го усвои нацрт-извештајот за визна либерализација.
Целиот Западен Балкан ќе има ист визен режим за патување во ЕУ
Оваа одлука гарантира целиот регион на Западен Балкан да има ист визен режим за патување во ЕУ, објави тогаш ЕП.
Постои можност одлуката за визна либерализација за имателите на српски пасоши во Косово да почне да се применува до почетокот на летото.
Србите од Косово се единствените од Балканот на кои им е потребна виза за ЕУ
Србите од Косово и Метохија, кои поседуваат пасоши издадени од Координативната управа, која функционира во рамките на Министерството за внатрешни работи на Србија, се единствените на кои им е потребна виза за влез во земјите на ЕУ откога од 1 јануари годинава беа укинати визите за граѓаните на Косово.
Во ноември 2023 година Европската комисија предложи да почне постапка за вклучување на граѓаните на Косово, кои имаат пасоши издадени од Координативната управа на Србија, преку визна либерализација.