Регион
Ердоган: Турција забрзанo се движи кон нови избори
Турција забрзано се движи кон нови избори и само волјата на народот ќе ја разреши политичката блокада, рече во средата турскиот претседател Реџеп Тајип Ердоган, откако неговата владејачка Партија на правдата и развојот (AKP) не успеа да формира влада и првпат по 2002 година го врати мандатот.
Премиерот Ахмет Давутоглу во вторникот формално ги заврши преговорите во настојувањето да пронајде коалициски партнер по повеќенеделните преговори со трите опозициски партии. Во вторникот вечерта, Давутоглу на шефот на државата му го врати мандатот, по што речиси се неизбежни предвремените парламентарни избори во септември.
„Поради неуспехот да се формира влада, мораме да бараме решение со помош на волјата на народот…., па брзо одиме повторно кон избори“, изјави Ердоган во говорот пред локалните функционери, кој беше директно телевизиски пренесуван.
Ердоган, според прописите, сега треба мандатот за состав на влада да ѝ го даде на Републиканската народна партија (CHP), меѓутоа турските коментатори сметаат дека тоа нема да се случи. Покрај тоа, иако трите опозициски партии би можеле да формираат мнозинство коешто би поддржало влада, крајно десната Партија на националното движење (MHP) воопшто не сака да соработува со прокурдската Народна демократска партија (HDP).
Според дневниот весник Hurriyet, претседателот Ердоган се залага за формирање преодна „изборна влада“ пред новите есенски избори. Меѓутоа, во вторникот опозиционерите соопштија дека во неа би влегле само доколку учествуваат сите четири парламентарни партии, без AKP да има мнозинство во неа.
Турскиот парламент, исто така, би можел да гласа сегашниот кабинет на Давутоглу да продолжи со работа до новите избори, но националистичката MHP веќе претходно најави дека ќе гласа против таквиот предлог./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.