Регион
Ердоган: Уличните безредија во Украина ја поделија земјата
Уличните насилства коишто избувнаа за време на февруарските протести во украинската престолнина Киев, го отворија патот за поделба на земјата, изјави во саботата турскиот претседател Реџеп Тајип Ердоган, споредувајќи ги протестите кои започнаа од истанбулскиот парк Гези минатото лето за чие задушување беше остро критикуван од западните сојузници.
Според мислењето на турскиот претседател, кој претходно единаесет години беше премиер, доколку Турција „не ги ставеше под контрола“ антивладините протести во Истанбул кои се проширија и на другите градови низ државата, земјата ќе ја доживеала судбината на Украина во која по соборувањето на прорускиот претседател Виктор Јанукович и доаѓањето на прозападните сили на власт избувнаа протестите на рускојазичното население што доведе до присоединувањето на црноморскиот полуостров Крим кон Русија и вооружениот конфликт во југоисточните региони на земјата и самопрогласување на ткн Народни републики во Донецк и Луганск. Ердоган, исто така, ја спореди и ситуацијата во Египет каде што со уличните протести во февруари 2011 година беше соборен претседателот Хосни Мубарак кој на чело на земјата беше од 1981 година и оттогаш земјата е сцена на масовни протести со илјадници жртви, прво на секуларните партии, а потоа по отстранувањето од власта на исламистичкиот претседател Мохамед Морси и на исламистите.
„Што ќе се случеше доколку протестите на Гези не беа ставени под контрола, и ние се повлековме пред лицето на уличното насилство? Одговорот на тоа прашање беше даден во Египет и во Украина. Уличните протести во Украина го отворија патот за поделбата на земјата“, изјави Ердоган говорејќи во Истанбул на состанокот на Сојузот на турските бизнисмени, пренесува весникот Hurriyet.
Протестите започнаа во паркот Гези во Истанбул кон крајот на мај 2013 година поради одлуката на владата да исече дрвја во паркот пред познатиот плоштад Таксим, како и поради дислоцирањето на Културниот центар на основачот на Турската република Мустафа Кемал Ататурк, поради негово преуредување односно изградба на трговско-забавен комплекс. Протестите се проширија на многу градови во Турција, најмалку во половината од покраините во земјата, претежно во урбаните средини, а ги поддржаа и Турците кои живеат во странство. Протестите ескалираа во бран безредија, во кои имаше најмалку шест жртви и стотици повредени, против политиките на владата која тогаш ја предводеше Ердоган обвинувајќи го за исламизација на земјата.
Ердоган ја пофали турската полиција, велејќи дека таа не применувала прекумерна сила во текот на минатогодишните протести, иако за тоа беше критикуван од Европската унија и од Вашингтон. Турскиот претседател истовремено пред бизнисмените потсети на протестите против полициската бруталност во САД, каде што, како што вели Ердоган, „полицијата ги соборува луѓето од нозе, им ги удира главите од асфалтот и убива невооружени луѓе“./крај/мф/сн
Извор: Hurriyet
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.