Регион
Ердоган вели дека пучистите барале од команданти да зборуваат со Ѓулен
Еден од учесниците на минатонеделниот неуспешен обид за воен удар во Турција му предложил на командантот на копнените војски кој бил во заложништво да разговара директно со исламскиот проповедник Фетулах Ѓулен, вели турскиот претседател Реџеп Тајип Ердоган споменувајќи го својот најголем противник поранешен сојузник, за кој тврди дека стои зад пропаднатиот пуч.
Турските власти од претходно го обвинуваат клерикот Фетулах Ѓулен, кој од 1999 година живее во американската сојузна држава Пенсилванија дека преку своите следбеници во Турција воспоставува „паралелна држава“ во главните структури на општеството. По обидот за воен удар од ноќта на 15-ти јули, Анкара побара од САД да ѝ го предадат Ѓулен, обвинувајќи го дека стои зад пучот. Ѓулен тврди дека нема врска со пучистите и го осуди обидот за воено соборување на турската влада, а Вашингтон бара „релевантни докази“ кои ќе ги разгледа.
„За жал, тие луѓе добиле инструкции од Пенсилванија и го организирале обидот за преврат. Тие веќе започнаа да признаваат и признаа кој им ги давал овие наредби“, вели Ердоган во интервјуто за француската телевизија France 24 истакнувајќи дека првпат дава таква изјава.
„Еден од тие луѓе му предложил на земениот во заложништво началник на штабот на копнените сили директно да разговара со нивниот водач Ѓулен“, додава турскиот претседател.
Ердоган не го именува високиот офицер кој бил заробен од пучистите, но во првите моменти кога уште не беа познати размерите на пучот, агенцијата Anadolu објави дека началникот на турскиот Генералштаб Хулуси Акар е во рацете на организаторите на превратот. Потоа владата потврди дека тој бил ослободен.
Ноќта од 15-ти кон 16-ти јули во Турција беше изведен неуспешен обид за воен преврат во кој учествуваше фракција во вооружените сили, односно делови од првата и втората армија, главно задолжени за обезбедување на југоисточните граници на земјата. Според последните податоци, во судирите во Истанбул и Анкара загинале 246 цивили, и околу 150 приврзаници на пучистите.
Истрагата за организирањето на пучот ја следат масовно чистки, притворања, суспендирања и отпуштања од државните и јавните служби.
Бројот на притворените надмина 10.000 луѓе, а меѓу нив се повеќе од 7.000 припадници на вооружените сили, вклучително и најмалку 120 генерали и адмирали. Поништени се околу 11.000 пасоши во потегот со цел да се спречи бегството на лицата кои може да се поврзани со обидот за преврат.
Во Турција досега се суспендирани 37.500 јавни службеници и полициски офицери по обидот за пуч, а меѓу нив се илјадници службеници во министерството за образование, и ги укина лиценците за 21.000 учители. Министерството за образовани соопшти дека очекува затворање на најмалку 600 училишта.
Турскиот претседател во саботата издаде декрет за затворање на 2.341 институција, меѓу кои се образовни и добротворни организации, синдикати и медицински центри, кои се поврзани со движењето „Хизмет“, блиско на Ѓулен./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Регион
Еден од убијците на Данка бара нов адвокат
Второосомничениот Срѓан Јанковиќ кој цело време се бранеше со молчење во Обвинителството му го откажал полномошното на својот адвокат бидејќи не сака повеќе да го брани.
Јанковиќ побарал да му биде доделен адвокат по службена должност, пренесуваат српските медиуми.
Ова не изненади бидејќи ретко се случува на сред рочиште осомничениот да побара смена на адвокат – велат од обвинителството.
– Понатамошната постапка е таква што следува разговор на новиот адвокат со осомничениот Јанковиќ. Со оглед на текот на рочиштето, апсолутно секој адвокат ќе го советува да престане да се брани со молчење бидејќи подобро е самиот Јанковиќ да каже се што знае. Убедени сме дека е прашање кога Јанковиќ доброволно ќе ја изнесе својата одбрана во обвинителството. Се надеваме дека постои можност да се дознае каде е телото на малата Данка – неофицијално се дознава од надлежните.
Доколку се оствари предвидувањето на обвинителството, се очекуваат нови моменти во истрагата откако Јанковиќ ќе ја каже својата верзија за настаните.