Тројца чешки државјани загинаа, а по уште едно лице сè уште се трага по тешката поморска несреќа што денеска се случи меѓу островите Брач и Шолта.

Несреќата се случила околу 11:38 часот, кога се судриле патничкиот катамаран „Крило Еклипс“ и едрилица под француско знаме, по што едрилицата потонала. На катамаранот во моментот на судирот имало 118 патници и седум членови на екипажот, кои не биле повредени.

На едрилицата се наоѓале осум странски државјани. Тројца загинале, четворица биле спасени и пренесени на лекување во Клиничкиот болнички центар во Сплит, каде што е утврдено дека се надвор од животна опасност, додека потрагата по едно лице продолжува.

Во големата акција за спасување учествувале пловила на Капетанијата, поморската полиција, итната медицинска помош и други служби. Во текот на денот биле ангажирани и дрон на крајбрежната стража и дополнителни ресурси за пребарување на подрачјето и потонатата едрилица.

Капетанот на Сплитската капетанија, Жељко Куштера, изјави дека станува збор за голема трагедија каква што не доживеал во повеќе од 30 години работа. Тој потврди дека едрилицата пловела на мотор и поседувала уредна документација.

Причините за несреќата засега не се познати. Поморскиот вештак Дамир Вишиќ изјави дека е прерано да се извлекуваат заклучоци и дека истрагата треба да утврди дали станува збор за човечка грешка, технички дефект или други околности. Според него, помалото пловило по правило треба да избегнува поголеми бродови во тесни пловни патишта.

Сочувство по трагедијата изразија хрватскиот премиер Андреј Пленковиќ, министерот за транспорт Олег Бутковиќ и министерот за надворешни работи Гордан Грлиќ Радман. Чешкото Министерство за надворешни работи соопшти дека нивен конзул е на терен и е во контакт со локалните власти.

Поради несреќата привремено е прекината брзобродската линија Сплит – Милна – Хвар – Вис, а надлежните најавија дека истрагата треба да ги утврди сите околности под кои дошло до судирот.

Три лица загинаа, а едно се води како исчезнато по судир на катамаран и едрилица во морето меѓу островите Шолта и Брач, во близина на Сплит.

Несреќата се случила денес околу 11:38 часот во Сплитските врати, кога дошло до директен судир меѓу патнички катамаран и едрилица, која потоа потонала.

На катамаранот имало 118 патници и седум членови на екипажот и сите се неповредени. На едрилицата имало осум лица. Дел од нив биле извлечени од морето и спасени, додека за едно лице сè уште се трага.

Во спасувачката акција се вклучени поморската полиција, крајбрежната стража, итната медицинска помош и други служби, а од воздух помага и хеликоптер. Акцијата ја координира Националната централа за спасување на море во Риека.

Катамаранот „Krilo Eclipse“ пловел на редовна линија кон Брач.

Причините за несреќата засега не се познати, а истрагата е во тек.

Специјалното обвинителство за борба против корупцијата и организираниот криминал во Албанија (СПАК) издаде налози за апсење на 20 лица и нареди превентивна заплена на имот во вредност од над 128,4 милиони евра. Истрагата е насочена кон меѓународна трговија со кокаин, а медиумите јавуваат дека дел од замрзнатите средства и недвижности се директно поврзани со земјиштето каде што се планира изградба на луксузен туристички комплекс зад кој стојат членови на семејството на Доналд Трамп.

Истрага за нарко-пари во крајбрежните недвижности

Според официјалното соопштение на Специјалното обвинителство, со истрагата се откриени сложени операции чија цел била прикривање на потеклото на нелегалните приходи од трговија со дрога и нивно интегрирање во формалната економија. Судските власти наредија заплена на неколку недвижности и купопродажни договори на атрактивни локации во Тирана, Паласа, Химара и други крајбрежни области.

Иако обвинителството не ја именува директно компанијата, дел од албанските медиуми ја поврзуваат со фирма за развој на недвижности за која се тврди дека има врски со земјишни трансакции во областа Звернец, на локација каде што е предвиден мега-туристичкиот проект раководен од Иванка Трамп и нејзиниот сопруг Џаред Кушнер. Истражувачкиот портал Репортер.ал наведува дека зад иницијалите А.Ш. најверојатно стои Артур Шеху, кој се јавува како клучен продавач на земјиштето на споменатата компанија. До саботата навечер, од вкупно 20 лица опфатени со налозите, уапсени се четири.

Масовни протести и притисок врз премиерот Еди Рама

Контроверзите околу изградбата на луксузниот комплекс на заштитеното крајбрежје веќе две недели предизвикуваат сериозни социјални немири. Илјадници граѓани секоја вечер излегуваат на масовни протести во главниот град Тирана, незадоволни од плановите за бетонизација на полустровот Звернец и еколошки ранливиот, ненаселен остров Сазан.

Villagers and environmental activists in Albania are protesting a luxury resort project linked to Ivanka Trump and Jared Kushner, warning it threatens a protected coastal ecosystem and accusing authorities of putting wealthy investors ahead of local communities. pic.twitter.com/eLRKT1yJkL

— Al Jazeera English (@AJEnglish) June 13, 2026

Демонстрантите, поддржани од еколошки здруженија и граѓански организации, инсистираат на итна суспензија на проектот, но и на политичка одговорност. На протестите јасно се артикулира барањето за оставка на албанскиот премиер Еди Рама, кој се соочува со обвинувања за фаворизирање на странски приватни интереси на штета на јавното добро и националното природно богатство. Од Специјалното обвинителство засега одбиваат да дадат дополнителни коментари за медиумите додека оперативните дејствија на терен сè уште траат.