Регион
Француски европратеник смета дека независноста на Косово е „историска грешка“
Париз направил историска грешка со признавањето на Косово, изјави францускиот европратеник Емерик Шопрад, пренесуваат српските медиуми.
Шопрад навел дека НАТО со војната против Србија го потврдил сепаратизмот на Албанците, и дека Европската унија (ЕУ) ја следела американската политика. Францускиот европратеник, кој неодамна пред надворешнополитичката комисија на Европскиот парламент (ЕП) јавно проговори за страдањата на Србите на Косово, изјавил за белградски Новости дека Косово никогаш нема да може да влезе во ЕУ поради тоа што е „легло на криминалот и сноси одговорност за етничкото чистење на Србите и другото неалбанско население“.
„За жал, сево ова е продолжување на она што се случуваше во 1999 година, од времето на нелегалната војна на НАТО против Србија, чија цел беше да се потврди сепаратизмот на Албанците на Косово, кои од демографска причина станаа мнозинство на оваа територија. Што се однесува до ЕУ, таа ја следеше американската политика“, вели функционерот на француската партија од крајната десница Национален фронт (FN).
Според него, од сето тоа главно профитирале САД, бидејќи Србија е православна земја, историски блиска до Русија и е регионална сила.
„Распаѓањето на Југославија имаше цел да го ослаби српскиот народ во полза на другите нации. Зад правата на малцинствата се кријат стратешки интереси, американски, но и германски“, истакнува Шопрад.
Тој додава дека има многу различни модели околу тоа како треба да биде решен статусот на Косово, како што е, на пример, силната автономија на Западна Сахара во сувереното Мароко.
Во секој случај, нагласува европратеникот, Косово со своите специфичности треба да остане покраина во составот на Србија.
„Логиката на независност води во ќорсокак. Пред сé, поради тоа што Албанците на Косово имаат мафијашка економија која главно ја одржуваат преку шверцот, нешто во што можев да се уверам за време на посетите пред неколку години. А ова е многу опасно, и за локалното население и за ЕУ, доколку сака да го интегрира овој регион“, вели францускиот европратеник./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.