Регион
Генералниот секретар на НАТО предупреди на џихадистите кои се враќаат на Косово
Генералниот секретар на НАТО, Јенс Столтенберг во петокот во Приштина ги предупреди косовските власти на веројатната опасност од враќањето на џихадистите кои се бореле во Сирија и во Ирак.
„Враќањето на борците (од Сирија и од Ирак –з.р.) претставува закана за сите нас, за земјите од регионот, но и за сите земји во Европа. Мораме да соработуваме во борбата против тероризмот“, порача челникот на НАТО, Јенс Столтенберг на прес-конференцијата во Приштина.
Столтенберг претходно ги посети мировните сили на Алијансата – КФОР на Косово, во кое е мнозинско албанското муслиманско население и каде оваа мисија беше воспоставена по војната од 1999 година. Во 2008 година албанските власти во Приштина, со поддршка на САД и главните земји од Европската унија, еднострано прогласија независност на поранешната српска јужна покраина Косово и Метохија, што Белград не ја признава за легитимна според меѓународното право.
Во периодот од август до септември 2014 година косовската полиција уапси 55 лица кои се обвинети дека им се придружиле на џихадистите во Сирија, дека го промовирале радикалниот ислам и врбувале борци за џихадот во Сирија и во Ирак.
Според процените големо мнозинство од 1,78 милиони жители на Косово се умерени муслимани. Но според процените на безбедносните служби околу 150 Албанци се борат во Сирија на страна на џихадистите, каде што имаат и свои команданти. На сириското боиште досега загинале најмалку 16 Албанци од Косово.
Генералниот секретар на НАТО изрази и задоволство поради решителноста и уверувањата добиени од косовските власти во врска со прашањето на скорешното носење на законот според кој лицата коишто ќе врбуваат и оние кои ќе замината да се борат во странство ќе добијат затворски казни.
Во меѓувреме во раните попладневни часови беше изгласан законот, по расправата во парламентот на Косово за измените на кривичниот закон според кој косовските државјани кои се борат во странство ќе бидат санкционирани со строг затвор./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Регион
Убиен работник од Украина во Славонски Брод
Во центарот на Славонски Брод во попладневните часови е пронајдено машко тело.
Полициската управа Брод-Посавина соопшти дека е приведено едно лице поврзано со инцидентот.
Се работи за млад градежен работник од Украина. Конфликт се случил во стан во центарот на градот каде што биле сместени работниците (родени во 90-тите).
Полицијата соопшти дека телото на мажот е пронајдено во куќата околу 15:17 часот и дека се води истрага, а потоа и кривична истрага која треба да ги расветли сите околности.
Регион
Таткото на осомничениот за убиството на Данка Илиќ го откажал полномошното на адвокатот
Небојша Живановиќ, адвокатот на Радослав Д., таткото на Дејан Д., кој е осомничен за убиството на двегодишното девојче Данка Илиќ, за Танјуг изјави дека неговиот клиент го откажал полномошното.
Радослав Д. е осомничен дека му помогнал на својот син да го премести телото на девојчето од депонијата на засега непозната локација.
Со оглед на тоа што го откажал полномошното на избраниот бранител, сега треба да му се определи бранител по службена должност на Радослав Д.
Биолошкиот брат на осомничениот Дејан Д., Далибор Д., почина на 7 април во Полициската станица во Бор, каде беше осомничен дека му помогнал на својот брат да го скрие телото на двегодишното девојче.
Двегодишната Данка Илиќ исчезна на 26 март во Бањско поле кај Бор, а полицијата по 10-дневна потрага и детални проверки и информации ги уапси Срѓан Ј. и Драган Д. од Бор, кои се осомничени дека го удриле девојчето со автомобил, а потоа нејзиното тело го ставиле во багажникот на автомобилот и го однеле на депонија.
Телото на девојчето се уште не е пронајдено.