Регион
Графити за поддршка на IS и UCK на православен манастир на Косово
На имотот на средновековниот православен манастир Високи Дечани на Косово испишани се графити коишто ги величаат џихадистичакта Исламска држава (IS) и Ослободителната војска на Косово (UCK) со пораката „Калифатот доаѓа“, известија во неделата белградските електронски медиуми.
На ѕидот со кој е ограден дел од манастирскиот имот во поранешната јужна српска покраина Косово и Метохија, со црвена боја е испишана споменатата порака на англиски јазик, и кратенките за Исламската држава и Ослободителната војска на Косово. Написите, како што јавува Б82, се наоѓаат на оддалеченост од 300 до 500 метри од најголемата српска средновековна црква на Косово, покрај имотот на кој монасите од манастирот Велики Дечани, манастир кој е под заштита на УНЕСКО, секојдневно ја обработуваат земјата и ја чуваат стоката. Како што натаму наведува Б92, монах од манастирот тврди дека графитите се испишани ноќта кон неделата, бидејќи во саботата до 18 часот ги немало.На блиската трафостаница, исто така, се напишани акронимите UCK, AKSH (Албанска национална армија), и ISIS (Исламска држава во Ирак и на Шам (Медитеранот) – како што порано се нарекуваше Исламската држава), како и два натписа на арапски јазик. Монасите за графитите ја известиле косовската полиција и КФОР, кои соопштија дека започнале истрага.Приштинските медиуми јавуваат дека се уапсени три момчиња осомничени за сквернавење на имотот на манастирот.За безбедноста на манастирот Високи Дечани и тамошното монашко братство се задолжени италијанските припадници на КФОР, а игуменот на манастирот Сава Јањиќ изјави дека КФОР во последно време го засилил надзорот, но дека сега манастирот се соочува со опасност и предизвици „многу поинакви и поопасни од оние од порано“.Јањиќ, кој инаку е активен на социјалните мрежи, на својот акаунт на Twitter објави фотографии на графитите, а во соопштението на Епархијата рашко-призренска, на којашто ѝ припаѓа манастирот, најостро се осудуваат „исламистичките и албанските националистички графити“, како „уште една во низата провокации против Високи Дечани и христијанските светии на Косово“ и Метохија“.Се наведува и дека во текот на увидот кој го правеле косовската полиција и КФОР, група млади локални Албанци скандирала „УЧК, УЧК“.„Можноста дека лицата кои очигледно имаат лоша намера да дојдат толку манастирот и да направат вакви провокации и покрај заштитата од КФОР ја покажуваат новата реалноста на Косово“, оценува Јањиќ.Премиерот на техничката влада на Косово, Хашим Тачи, на својот профил на Twitter дека испишувањето на графити на имотот од манастирот Високи Дечани е инцидент „кој секако мора да биде осуден“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пожар во Атина: Се запали станбена зграда, пет противпожарни возила на лице место
Пожар избувна на високо приземје на станбена зграда во атинската населба Ризуполи. Како што јави грчкиот јавен сервис ЕРТ, на лице место излегле 16 пожарникари со пет возила.
Мобилизирани се и два камиони со скали, доколку е потребно да се евакуираат станарите од горните катови.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.