Регион
Граната подметната во Уставниот суд на Косово
Рачна граната е пронајдена во средата на територијата на Уставниот суд на Косово во центарот на Приштина, која потоа била уништена со контролирана експлозија, соопшти косовската полиција.
Детали за откривањето на рачната граната и нејзиното неутрализирање полицијата засега не соопштува.
На разгледување во Уставниот суд на Косово сега се наоѓа Бриселската спогодба за нормализирање на односите меѓу Белград и Приштина од 2013 година, постигната со посредство на Европската унија. Една од клучните одредби од овој договор е формирањето на Заедницата на српските општини (ЗСО) која има овластувања за самоуправа во општините во кои е мнозинско српското население во оваа поранешна српска јужна покраина која еднострано во 2008 година прогласи независност. Исто така, одредбата за формирање ЗСО претполага и знаме и други атрибути на автономија.
На 10-ти ноември годинава косовскиот Уставен суд го суспендираше договорот, што предизвика остри реакции од Белград и од ЕУ.
Опозициското екстремно движење Самоопределување и опозициска партија Алијанса за иднината на Косово го отфрлаат формирањето на Заедницата на српските општини ја блокираат работата на Собранието.
Претставниците на албанската опозиција на Косово соопштија дека ќе вршат опструкции сé додека премиерот Иса Мустафа не го повлече потписот од договорот со Србија. Во текот на изминатите два ипол месеца опозициските пратеници четири пати ја блокираа работата на парламентот фрлајќи солзавец и пепер-спреј.
Во вторникот на седницата во врска со нацрт-буџетот за 2016 година повторни опозициските пратеници од Самоопределување предводени од поранешниот челник на движењето Албин Курти со спреј го испрска обезбедувањето откако претходно неговите колеги ја опколија собраниската говорница и не дозволија пристап до неа. Истовремено друга група пратеници фрли солзавец.
Пред зградата на парламентот нивните поддржувачи се судрија со полицијата при што беа повредени 17 полицајци од кои двајца потешко.
Поради насилство и користење забранети средства, пратениците Албин Курти, Фатон Топали и Албулена Хаџиу од Самоопределување, како и шефицата на пратеничката група на Алијанса за иднината на Косово, Доника Кадај-Бујули, треба да бидат приведени, одреди судот во Приштина. Според весникот Koha Ditore во средата претпладнето косовската полиција преземала активности за приведување на пратениците./крај/мф/мн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.