Регион
Грција: Меимаракис го призна поразот и му честиташе на Ципрас
Радикалната левичарка партија во Грција, Сириза на Алексис Ципрас победи на предвремените парламентарни избори во неделата, а победата прв ја честиташе челникот на најголемиот конкурент, конзервативната Нова демократија, Вангелис Меимаракис.
По преброените 25 отсто од преброените гласови, Сириза добива околу 35,3 отсто, а Нова демократија 28,1 отсто од гласовите, објави грчкото министерство за внатрешни работи кое е задолжено за спроведување на изборите. Одѕивот на гласачите бил под просекот, и изнесувал 54,4 отсто.
Според овие проекции, Сириза со бонусот ќе има 144 места во новиот состав на парламентот во кој има 300 мандати, додека Нова демократија ќе има 75 пратеници.
„Податоците покажуваат дека победник на изборите ќе биде партијата Сириза. Му честитам на Алексис Ципрас и го повикувам да ја формира владата која е неопходна и да дојде во парламентот“, изјави Вангелис Меимаракис за новинарите во седиштето на Нова демократија.
Висок извор од Сириза, веднаш за Reuters изјавил дека Ципрас ќе ја формира владата за три дена. „Сакам да го повторам она што го рече Ципрас, а тоа е дека владата ќе биде формирана во рок од три дена“, рекол.
„Во јануари (кога исто така на предвремените парламентарни избори првпат победи Сириза – з.м.), некои сметаа дека Нова демократија ќе престане да постои, но ние не исчезнавме и не пропаднавме, нашата партија како граѓанска организација, е жива и претставувал столб на демократијата, гаранција за земјата. Кога ја започнавме кампањата мислевме дека резултатот ќе биде уште полош. Јас лично изјавив дека изборите не се неопходни“, рече Миамаракис.
Им се заблагодари на сите кои гласале за Нова демократија. „Нашите гласачи докажаа дека претставуваме гранати за иднината на земјата“, заклучи Мимаракис./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пожар во Атина: Се запали станбена зграда, пет противпожарни возила на лице место
Пожар избувна на високо приземје на станбена зграда во атинската населба Ризуполи. Како што јави грчкиот јавен сервис ЕРТ, на лице место излегле 16 пожарникари со пет возила.
Мобилизирани се и два камиони со скали, доколку е потребно да се евакуираат станарите од горните катови.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.