Регион
Грција на ММФ му исплати 186,3 милиони евра
Грција на Меѓународниот монетарен фонд (ММФ) му исплати рата од 186,3 милиони евра, потврдиле од меѓународната институција, со што Атина избегна доцнење во отплатата на кредитот, во момент кога со кредиторите преговара за третиот спасувачки пакет.
„Грција ги плати трошоците по основ на каматата кои во четврток достигнаа наплата во висина од 186,3 милиони евра“, се наведува во соопштението од ММФ, пренесува AFP.
Со оваа уплата, Грција првпат од почетокот на јуни навреме ги плати своите обврски кон ММФ, а и преостануваат уште вкупно 22 милијарди долг кон оваа институција, пришто наредната прва рата од 307 милиони евра треба да се исплати на 1-ви септември.
Земјата на 30-ти јуни не успеа на ММФ да му врати долг од 1,5 милијарди евра, поради што стана првата развиена земја која задоцни во подмирувањето на обврските кон меѓународните кредитори. Две недели после ова, официјална Атина повторно пропушти исплата на рата од долгот кон ММФ, во висина од 456 милиони евра.
Реакцијата на ММФ тогаш беше замрзнување на пристапот до своите средства, како и до тековните финансиски програми на Фондот кои се наменети за Грција.
Сепак, Атина на 20-ти јули плати две милијарди евра од долгот кон ММФ, бидејќи доби кредит за премостување од Европската унија. Претставници на ММФ, Европската комисија и Европската централна банка моментално престојуваат во Атина поради изработката на деталите од третиот пакет на помош за Грција./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Регион
Убиен работник од Украина во Славонски Брод
Во центарот на Славонски Брод во попладневните часови е пронајдено машко тело.
Полициската управа Брод-Посавина соопшти дека е приведено едно лице поврзано со инцидентот.
Се работи за млад градежен работник од Украина. Конфликт се случил во стан во центарот на градот каде што биле сместени работниците (родени во 90-тите).
Полицијата соопшти дека телото на мажот е пронајдено во куќата околу 15:17 часот и дека се води истрага, а потоа и кривична истрага која треба да ги расветли сите околности.
Регион
Таткото на осомничениот за убиството на Данка Илиќ го откажал полномошното на адвокатот
Небојша Живановиќ, адвокатот на Радослав Д., таткото на Дејан Д., кој е осомничен за убиството на двегодишното девојче Данка Илиќ, за Танјуг изјави дека неговиот клиент го откажал полномошното.
Радослав Д. е осомничен дека му помогнал на својот син да го премести телото на девојчето од депонијата на засега непозната локација.
Со оглед на тоа што го откажал полномошното на избраниот бранител, сега треба да му се определи бранител по службена должност на Радослав Д.
Биолошкиот брат на осомничениот Дејан Д., Далибор Д., почина на 7 април во Полициската станица во Бор, каде беше осомничен дека му помогнал на својот брат да го скрие телото на двегодишното девојче.
Двегодишната Данка Илиќ исчезна на 26 март во Бањско поле кај Бор, а полицијата по 10-дневна потрага и детални проверки и информации ги уапси Срѓан Ј. и Драган Д. од Бор, кои се осомничени дека го удриле девојчето со автомобил, а потоа нејзиното тело го ставиле во багажникот на автомобилот и го однеле на депонија.
Телото на девојчето се уште не е пронајдено.