Регион
Грција преговара со Русија за ублажување на санкциите, на удар и Црна Гора
Грција води преговори со Русија за ограничување на влијанието на санкциите за извоз на производи, пренесува Интерфакс, повикувајќи се на изјава од грчкиот вицепремиер Евангелос Венизелос.
„Ние постојано разговараме за тоа како да ги намалиме последиците и бараме можности воопшто за да избегнеме суштинско влијание на руските санкции врз Грција. Атина настојува да се заштити земјоделството на Грција, да ги задржи пријателските односи со сите земји и истовремено со тоа да ги исполни своите обврски кон ЕУ“, изјавил Венизелос.
Една од земјите од регионот кон кои Русија воведе вакви санкции е и Црна Гора, а декретот за „одредени економски мерки“ бил потпишан и од рускиот претседател Владимир Путин, пренесува Танјуг.
Мерките се одговор на санкциите кои се воведени кон Русија поради украинската криза, а забраната за увоз на земјоделски производи од овие земји стапува веднаш на сила.
Од црногорското министерство за надворешни работи и европски интеграции во четвртокот изразиле жалење поради одлуката на Русија да воведе санкции кон Црна Гора, објаснувајќи дека усогласувањето со одлуката на ЕУ било направено врз основа на остварувањето на надворешнополитичките приоритети, како и почитувањето на принципите и вредностите за кои Подгорица се залага во меѓународните односи, потенцирајќи дека ова немало „антируски карактер“./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дачиќ: Србија не е експериментално тело па на неа постојано да се крши меѓународното право
Министерот за надворешни работи и претседател на Социјалистичката партија на Србија, Ивица Дачиќ денеска изјави дека е срамно што Комитетот за политички прашања на Советот на Европа (СЕ) ја прифати препораката дека Косово ќе биде примено во Советот на Европа, и дека е спротивно на сите принципи на кои почива таа организација и посочи дека Србија не е „експериментално тело“ па на неа постојано да се крши меѓународното право.
„Првпат се препорачува членство на територија која не е меѓународно признаена, која не е членка на ОН. За да се постигне тоа се обидуваат да најдат оправдување и да кажат дека тоа не го прејудицира статусот, а потоа во втората реченица велат дека тогаш ставот на СЕ престанува да биде статусно неутрален“, рече Дачиќ.
Регион
Откриено кој го возел „пунтото“ во моментот на исчезнувањето на Данка
Кој го управувал автомобилот „пунто“ е откриено од видеото во случајот со исчезнувањето на девојчето Данка.
Преземено е видео од надзорната камера лоцирана во дворот на куќата на сосетката Јасмин Стојадиновиќ од Бањско Поле, која била прегледана од полицијата во текот на истрагата за исчезнувањето на Данка Илиќ (2) од Бор.
На видеото се гледа зелен автомобил „пунто“, кој во моментот на исчезнувањето на девојчето се движел по улицата со голема брзина. Возилото наводно било управувано од маж. Сепак, оваа информација не го олесни пребарувањето многу. Познато е дека бил сослушан во полиција.
Утврдено е дека се работи за сосед што живее недалеку од местото на кое исчезна Данка Илиќ. Според информациите, мажот бил во алкохолизирана состојба и возел со голема брзина.
Девојчето исчезна на 26 март во 13.45 часот.
Регион
Багер пристигна пред куќата на исчезнатата Данка: полицијата го блокира пристапот
Полициски екипи ја опколиле куќата на семејството Илиќ во Бањско Поле, а пред неа пристигнал багер, објави српски „Телеграф“.
Според медиумот, сè уште нема официјални информации зошто е донесен багер, а нивниот репортер јавува дека полицијата отвора шахти околу куќата на семејството Илиќ.
Како што пренесуваат, полицијата и работниците од ЈКП од утрово го расчистуваат теренот.
Двегодишната Данка исчезна во моментот кога мајка ѝ му давала вода на другото дете. Носела виолетови панталони, маслинеста јакна, а косата ѝ била врзана во опавче. По исчезнувањето на Данка, првпат во Србија беше ставен во употреба системот „Најди ме“.
По девојчето 27 часа трагаа припадници на жандармеријата, полицијата, пожарникари, спасувачи, како и многубројни мештани. По 27 часа, српската полиција го прекина пребарувањето на теренот во Бањско Поле.