Регион
Грција вели дека го направила она што морала да го стори за договор со ЕУ
Владата на Грција го направи она што беше должна да го стори за да постигне договор со Европската унија, но нема да прифати продолжување на финансиската помош.
Ова во Атина го изјави портпаролот на грчката влада, Гаврил Сакеларидис неколку часа пред денешната клучна седница на министртите за финансии на еврогупата во Брисел.
Сакеларидис избегна да го коментира написот во германскиот веник Bild за тоа дека германската канцеларка Ангела Меркел во телефонски разговор со германксиот премиер Алексис Ципрас најавила дека нејзиниот минситер за финансии Волфганг Шојбле на вечерашниот состанок ќе изнесе негативен став за Грција.
Ципрас, според владиниот протапрол, на Меркел и рекол дека неговата влада сторила се што можела за постигнување на договор, а и скренал и внимане на „хуманитарната криза“ во Грција.
Според Сакеларидис, грчката влада нема да преговара за низата економски, социјални и финансиски мерки кои има намера да ги прземе во интерес на граѓаните, а на кои се против ЕУ.
Станува збор за прописи за ослободување на најсиромашните од отплата на кредити кои не можат да ги вратат, забрана за принудна продажба на станови и куќи на должници, продолжување на задоцнетата отплата на кредити ан 100 рати.
Министерот за труд на Грција, Панос Скурпетис изјави дека на денешниот состанок на министртите на еврогрупата „секому ќе му се суди по заслуги“ и дека „нема да помине крутоста на Германија“.
Според нацрт ставот на германскиот министер Шојбле за денешниот собир во Брисел, документот кој го подготвила Грција „не дава никаква основа ниту за заедничко соопштение“.
Германија затоа ќе биде против исплата на 10,9 милијарди евра помош за грчките банки, особено затоа шти успешно ја пребродиле минатата година, пренесуваат атинските медиуми./крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.