Регион
Грчката влада го усвои првиот закон против сиромаштијата
Грчката влада предводена од челникот на радикалната левица Алексис Ципрас во средата со поддршката на коалицискиот партнер националистичката партија Независни Грци го усвои првиот закон во својот мандат за пакетот социјални мерки во полза на они коишто се најтешко погодени од долгогодишната финансиска криза.
Закон го изгласаа 149-те пратеници од левичарската Сириза и 13-те од Независни Грци,м како и пратеници од поранешните владејачки партии, конзервативната Нова демократија и социјалистичкиот Пасок. Со законот за справување со сиромаштијата особено се предвидува бесплатна испорака на електрична енергија, бонови за храна, за превоз и други бесплатни услуги за најсиромашните.
Во продолжение грчките парламентарци се изјаснуваат за законот, член по член, истовремено со зголемувањето на напнатоста меѓу Атина и нејзините странски доверители, околу договорот со кој ќе биде овозможено да бидат деблокирани средствата коишто ѝ се неопходни на Грција за да го избегне банкротот.
Грчкиот премиер Алексис Ципрас пред изјаснувањето на пратениците одржа жесток говор во кој истакна дека неговата влада не се плаши од заканите упатени на Грција. „Некои технократи се обидуваат да не’ заплашат со ултиматуми“, изјави Ципрас кој смета дека неговото мнозинство избрано на предвремените парламентарни избори на 25-ти јануари морала да се соочи со 50 дена исполнети со казани .
Грчката влада остро реагираше во вторникот навечер на пишувањата на медиумите според кои претставникот на Европската комисија меѓу странските доверители, Деклан Костело, побарал консултации пред изгласувањето на законот.
„Во името на која Европа се осмелува да зборува за еднострана акција кога станува збор за борбата против сиромаштијата. Од тоа не се плашам, некои бараат замрзнување на тие закони, но ние одговараме со изгласување на тие закони“, рече во средата Ципрас.
„Од почетокот знаеме дека патот е миниран, дена не’ демне опасност од финансиско задушување, но нашите партнери полека не’ запознаваат и знаат дека ние не сме продолжение на претходните влади, што морало да ги разочара“, додаде грчкиот премиер.
Истакна и дека е отворен за предлози однатре и однадвор, и дека сака да го почитува договорот од 20-ти февруари, но дека и партнерите мора да го сторат истото. Тој договор за четири месеци ја продолжува финансиската помош на Грција, но за деблокирањето на парите се водат тешки преговори./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Регион
Убиен работник од Украина во Славонски Брод
Во центарот на Славонски Брод во попладневните часови е пронајдено машко тело.
Полициската управа Брод-Посавина соопшти дека е приведено едно лице поврзано со инцидентот.
Се работи за млад градежен работник од Украина. Конфликт се случил во стан во центарот на градот каде што биле сместени работниците (родени во 90-тите).
Полицијата соопшти дека телото на мажот е пронајдено во куќата околу 15:17 часот и дека се води истрага, а потоа и кривична истрага која треба да ги расветли сите околности.
Регион
Таткото на осомничениот за убиството на Данка Илиќ го откажал полномошното на адвокатот
Небојша Живановиќ, адвокатот на Радослав Д., таткото на Дејан Д., кој е осомничен за убиството на двегодишното девојче Данка Илиќ, за Танјуг изјави дека неговиот клиент го откажал полномошното.
Радослав Д. е осомничен дека му помогнал на својот син да го премести телото на девојчето од депонијата на засега непозната локација.
Со оглед на тоа што го откажал полномошното на избраниот бранител, сега треба да му се определи бранител по службена должност на Радослав Д.
Биолошкиот брат на осомничениот Дејан Д., Далибор Д., почина на 7 април во Полициската станица во Бор, каде беше осомничен дека му помогнал на својот брат да го скрие телото на двегодишното девојче.
Двегодишната Данка Илиќ исчезна на 26 март во Бањско поле кај Бор, а полицијата по 10-дневна потрага и детални проверки и информации ги уапси Срѓан Ј. и Драган Д. од Бор, кои се осомничени дека го удриле девојчето со автомобил, а потоа нејзиното тело го ставиле во багажникот на автомобилот и го однеле на депонија.
Телото на девојчето се уште не е пронајдено.