Регион
Хашкиот осуденик за Сребреница Здравко Толимир почина во хашкиот притвор
Генералот на Војската на Република Српска, Здравко Толимир, осуден на доживoтен затвор поради злосторства во Сребреница, починал во понеделникот навечер во притворот на Меѓународниот кривичен суд за воени злосторства сторени на територијата на поранешна Југославија, потврди во вторникот за Радио-телевизија Србија (РТС), претседателот за соработка со Хашкиот трибунал, Расим Љајиќ.
Засега не се објавени повеќе детали и околностите за смртта на генералот на босанските Срби во текот на војната во Босна и Херцеговина во средината на 1990-те.
На Здравко Толимир во април 2015 година од Жалбениот совет на Хашкиот трибунал му беше потврдена пресудата на доживотен затвор поради злосторства извршени над Бошњаци од Сребреница во летото 1995 година.
Толимир во текот на војната во БиХ беше помошник за разузнавачко-безбедносни работ на командантот на Војската на Република Српска, генералот Ратко Младиќ, кому во Хаг му се суди по обвинението за истите злосторство.
Пресудата за Толимир беше донесена на основа за командна одговорност, а во првостепената пресуда беше наведено дека е прогласен виновен за геноцид, здружување поради извршување геноцид, истребување, убиства, прогон и присилно преместување на муслиманите од Сребреница и Жепа од јули до ноември 1995 година.
Генералот Толимир во пресудата е опишан како „десната рака, очите и ушите“ на тогашниот командант Ратко Младиќ. Процесот против него беше покренат во 2005 година, уапсен беше на 31-ви мај 2007 година, а судењето започна на 26-ти февруари 2010 година./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пожар во Атина: Се запали станбена зграда, пет противпожарни возила на лице место
Пожар избувна на високо приземје на станбена зграда во атинската населба Ризуполи. Како што јави грчкиот јавен сервис ЕРТ, на лице место излегле 16 пожарникари со пет возила.
Мобилизирани се и два камиони со скали, доколку е потребно да се евакуираат станарите од горните катови.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.