Регион
Хрватска го демантира Брисел, сé уште нема договор за деблокада на Србија
Договорот за отстранувањето на хрватската блокада за отворањето на поглавјето 23 од преговорите меѓу ЕУ и Србија сé уште не е постигнат, изјавил хрватскиот министер за надворешни работи Миро Ковач, пренесува N1.
Договорот за отстранувањето на хрватската блокада за отворањето на поглавјето 23 од преговорите меѓу ЕУ и Србија сé уште не е постигнат, изјавил хрватскиот министер за надворешни работи Миро Ковач, пренесува N1.
Еврокомесарот за соседска политика и пристапни преговори Јоханес Хан во четвртокот во Брисл изјави дека конечно е постигнат договор со Хрватска во врска со поглавјето 23, кое се однесува на правосудството и фундаменталните права, и дека тој треба да биде потврден на следната недела на состанокот на амбасадорите на државите членки на ЕУ.
Според српските медиуми Хрватска дала и писмена согласност за Србија да го отвори поглавјето 23, а потоа хрватското министерство за надворешни работи го демантираше ова, соопштувајќи дека се работи за „пропаганда и дезинформирање на јавноста“.
Ковач изјавил дека тој разговарал со еврокомесарот Хан околу ова во вторникот во рамките на посетата на Париз, но дека сé уште нема договор, истакнувајќи дека хрватските барања мора да бидат исполнети.
„Ние разговаравме за можно решение. Очекуваме овие дена да постигнеме договор. Сé уште не го постигнавме целосно, а кога ќе го постигнеме, тогаш хрватската и европската јавност јасно ќе биде информирана“, рекол Ковач.
Хрватска како услов за отворањето на поглавјето 23 со Србија бара целосна соработка со Хашкиот суд, укинување на законот за надлежноста на Србија за процесирањето на воените злосторства на просторот на цела поранешна Југославија и обезбедувањето на правата на хрватското малцинство./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Детаљно пребарани тунелите, каналите и шахтите, нема траги од Данка: се огласија српските полицајци
Специјалистички екипи за спасување од урнатини на Секторот за вонредни состојби од Белград и Нови Сад заедно со други припадници на МВР од раните утрински часови темелно ги пребаруваа тунелите, подземните канали и шахтите со вкупна должина од 4,5 километри во месноста Бањско Поле до градот Бор и не се пронајдени траги што би укажувале дека таму била двегодишната Данка Илиќ, пренесуваат српските медиуми.
По повеќе од 70 часа детаљно пребарување на теренот во Бањско Поле, припадниците на Министерството за внатрешни работи продолжуваат со интензивно и оперативно пронаоѓање на девојчето и утврдување сите факти и околности за исчезнувањето на детето, според последните извештаи.
Медиумите потсетуваат, од моментот на пријавување на исчезнувањето на 26 март во потрагата по исчезнатото девојче учествуваа стотина припадници на МВР, кои темелно и сеопфатно го прегледаа поширокиот и потесниот простор на ова место со вкупна површина од 10-ина квадратни километри.
Регион
Завршено вештачењето на мобилниот телефон на мајката на Данка, биле бришени пораки и повици, објавија српските медиуми
Мобилниот телефон на мајката на Данка Илиќ бил испратен на вештачење по исчезнувањето на девојчето. Неофицијалните податоци говорат дека мајката избришала многу пораки и повици ден пред и на денот на исчезнувањето на Данка, објави српски „Блиц“.
Според неофицијални сознанија од истрагата, вештачењето на мобилниот телефон на Ивана Илиќ покажало дека се избришани многу пораки и податоци за повици, пишува српски „Информер“.
„На ден пред исчезнувањето и на денот на исчезнувањето на Данка Илиќ многу пораки и повици се избришани од телефонот. Ова го утврдиле инспекторите за високотехнолошки криминал. Пораките и повиците може да се избришат од телефонот, но да останат во базата на податоци“, рекол изворот.
Како што се дознава, пред исчезнувањето на Данка Илиќ мајката трипати го фотографирала детето од разни агли.
Да потсетиме, мајката на Данка Илиќ, Ивана, денеска повторно е во полициската станица во Бор, каде што е на распит за околностите на својата исчезната ќерка. Таткото помина на полиграфското тестирање.
Регион
„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка
Родителите се тие што имаат многу да објаснат. Прво, зошто чекаа да го пријават исчезнувањето? Колку што знам, чекаа два часа. Познато е дека кога ќе исчезне дете, веднаш се пријавува за да се реагира бргу, изјави Марко Ницовиќ, поранешен началник на белградската полиција, за „Телеграф.рс“.
Според Ницовиќ, полицијата оди во добра насока бидејќи ја проверува секоја педа од земјата, но се надеваат и дека темелно се проверуваат граничните премини бидејќи не ја исклучуваат можноста за киднапирање.
„Би можело да биде сè, не е исклучена никаква можност. Ако мајката рече дека го оставила девојчето на минута, го поставуваме прашањето каде би можело да оди двегодишното дете? Колку далеку, без мајка му да го најде? Второ, зошто чекаа два часа? Има простор и за киднапирање, а знаеме дека границата е блиску, но и за многу повеќе. Отворени се многу прашања и останува да се почека истражните органи да си ја завршат работата“, вели Ницовиќ за српски „Телеграф“.
Да потсетиме, потрагата по двегодишната Данка Илиќ влезе во четвртиот ден. Во потрагата од утрово се вклучени уште 18 пожарникари и кучето Зиги.
Багери вчера цел ден копаа и вадеа ѓубре и шут од куќата, а пред куќата каде што последен пат беше видена исчезнатата Данка по која трага цела Србија, пристигна тешка механизација, која ќе продолжи да работи денес за да се расчисти теренот.