Регион
Хрватска го прочистува Избирачкиот список, само во Загреб 25.000 фиктивни жители
Полицијата континуирано ги проверува лажните живеалишта, а најмногу ги има во Загреб и тоа меѓу 24.000 и 25.000, пишува јутарњи.хр, според информација добиена од Владата и неофицијална потврда од Министерството за внатрешни работи.
Кога проверката ќе биде завршена, оние кои имаат фиктивни престојувалишта ќе го изгубат правото на глас на избори, а имајќи предвид дека за да се избере еден пратеник потребни се околу 15.000 гласа, тоа значи дека оние кои немаат право на глас во Загреб бираат двајца пратеници.Рокот до кога може да се извршат корекции во изборниот список е 31 август, а до тогаш граѓаните се повикани да извршат проверка на своите податоци и доколку воочат некои неправилности да го пријават тоа во Министерството на управата. Исто така, може да пријават неправилности доколку ги воочат и за друг бирач. До истиот датум и полицијата треба да ги провери сите сомнителни случаи на лажно живеалиште, за да немаат влијание врз крајниот резултат на изборите.Полицијата проверува адреса и спроведување управна постапка за издавање решение за бришење на престојувалиште. Избришаните имаат право на жалба, а кога решението од полицијата ќе стане правосилно, се доставува до министерството за управа и врз основа на него се брише одреден гласач од списокот. Министерот за управа, Арсен Баук не е изненаден од овие бројки и вели дека во Загреб имало и до 50.000 луѓе повеќе од она што го покажал пописот. Кога дошол во министерството и почнале да ги проверуваат адресите, виделе дека едно лице се води и на адресата на министерството, кај една службеничка на адресата имало осум лица фиктивно.Најголем број од фиктивните граѓани на Загреб живеат во Босна и Херцеговина, но ги има од секаде. Ретко кој од нив за време на изборите доаѓа во Загреб да гласа, но се пријавува во местото каде се затекнал, всушност местото каде навистина живее и гласа во првата изборна единица.Службите немаат точен податок колку луѓе на тој начин го остваруваат правото на глас./крај/д/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик не го признава геноцидот во Сребреница: „Ќе однесеме цвеќе, ако не навредува никого“
Во четвртокот, лидерот на Србија во Босна и Херцеговина, Милорад Додик, изрази подготвеност да го посети Меморијалниот центар Поточари во Сребреница и да положи цвеќе на заедничкиот споменик подигнат во спомен на масакрот на Бошњаците за време на војната, но тој повторно негираше дека таму имало геноцид.
Во интервју за новинската агенција на Република Српска, претседателот Додик најави дека владата и целото раководство на овој ентитет ќе заседаваат во Сребреница на 2 мај 2024 година, кога ќе се одржи дискусија пред Обединетите нации и се очекува гласање за Резолуција за осуда на геноцидот во тој град во летото 1995 година.
Резолуцијата е поддржана од дваесет земји, меѓу кои САД, Обединетото Кралство и Германија и се очекува нејзино усвојување. Целта е да се интернационализираат страдањата на Бошњаците во Сребреница.
Водечките српски претставници од Белград и Бања Лука, претседателите Александар Вучиќ и Милорад Додик, тврдат дека ова е обид да се префрли вината на српскиот народ.
„Република Српска нема да ја прифати резолуцијата за Сребреница за која ќе се одлучува во Генералното собрание на ОН бидејќи се што е напишано во неа е лага. Босна и Херцеговина не може да живее врз основа на тоа дека едната нација во неа е оквалификувана како геноцидна“, рече Додик.
Сепак, тој изрази подготвеност да им оддаде почит на жртвите од масакрот во Сребреница.
„Ако ни се укаже можност, на 2 мај ќе однесеме венци во Поточари, ако тоа не навреди никого. Не се плашам дека би можел да завршам како Вучиќ, кој дојде да им оддаде почит на жртвите, изрази сочувство, а доби камен во главата и никој не одговараше за тоа“, истакна Додик.
Тој смета дека Резолуцијата за Сребреница сепак нема да го добие потребното мнозинство на седницата на Генералното собрание на ОН.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.