Регион
Хрватска: Тесна победа на Јосиповиќ во првиот круг
Актуелниот хрватски претседател Иво Јосиповиќ од Социјалдемократската партија (SDP) Иво Јосиповиќ според првичните резултат на Државната изборна комисија води по првиот круг од неделните претседателски избори со тесна предност од само 1,33 отсто од гласовите пред конадидатката на Хрватската демократска заедница (HDZ) Колинда Грабар Китаровиќ, поранешна помошничка на генералниот секретар на НАТО за јавно дипломатија.
Според привремените и неофицијални резултати на Државната изборна комисија по преброени 99,7 отсто од изборниот материјал правникот и композитор Иво Јосиповиќ освоил 38,50 отсто од гласовите, па во вториот круг на 11-ти јануари за својот нов петгодишен претседателски мандат ќе се соочи со Колинда Грабар Китаровиќ која освоила 37,17 отсто од гласовите, пренесе агенцијата Hina.
Според бројот на гласовите, Јосиповиќ освоил 685.815, односно малку помалку од 24 илјади повеќе од Габар Китаровиќ која освоила 661.993 гласови.
Следата студентот Иван Синчиќ од движењето Жив ѕид, кој освоил 16,44 отсто или 292.907 гласови и кандидатот на десничарските партии Милан Кујунџиќ од Сојуз за Хрватска со 6,28 или 111,865 гласови.
Неделните избори во Хрватска минаа во атмосфера на невремето, а според комисијата одѕивот изнесувал 47,11 отсто , односно 1.781.194 од вкупно 3,77 милиони избирачи, додека неважечки ливчиња имал0 1,56 отсто, или 27.692.
Според прелиминарните резултати од 20 часот и излезните анкети Јосиповиќ беше во водство во однос на Грабар Китаровиќ со предност поголема од 8 отсто, но неговата предноста се намалуваше со пристигнувањето на резултатите од теренот па така разликата се стабилизираше на 1,5 отсто./крај/мф/сн
Извор: Hina
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
За европските избори во Хрватска беа пријавени 25 листи, осум помалку од 2019 година
Државната изборна комисија (ДИК) до крајниот рок доби 25 кандидатски листи за европските избори во Хрватска, што е за осум помалку од 2019 година.
Во недела на 9 јуни ќе се одржат избори за Европскиот парламент во Хрватска, а ќе се изберат 12 европратеници со мандат од пет години.
Со поднесување на списокот и официјално започнува изборната кампања која ќе трае до 7 јуни кога ќе започне изборниот молк.
Европските избори во Хрватска се втор изборен циклус годинава, по парламентарните избори одржани на 17 април, а на крајот на годината ќе се одржат и претседателските избори.
Регион
Повеќе од половина Србија обоена во жолто: Итно предупредување поради можно невреме
Жолта метеоролошка тревога е на сила на повеќе од половина од териториите во Србија и тоа во Бачка, Банат, Срем, Белград, Западна Србија, Поморавље и Шумадија, со цел да се предупреди за можна појава на грмежи.
Се очекува слаб до умерен дожд во областа Бачка.
Во Бачка во следните два часа на места ќе има врнежи од дожд со слаб до умерен интензитет.
Инаку, жолтиот метео аларм се „вклучува“ кога времето може да биде потенцијално опасно, поточно кога се предвидуваат опасни временски појави.
„Тие се со таков интензитет што можат да предизвикаат материјална штета и да бидат опасни за луѓето и животните. Треба да бидете многу внимателни, свесни за ризиците и редовно информирани за деталите за очекуваните метеоролошки услови“ велат од надлежните државни служби.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.