Регион
HWPL во Словенија: Ефикасноста на меѓународното право и целите на Декларацијата за мир и ставање крај на војните
Ефикасноста на меѓународното право и односите помеѓу балканските земји беа главните теми на дебатата која што во средата се одржа во Љубљана, во организација на јужнокорејската невладина организација „Небеска култура, светски мир“ (HWPL) и Меѓународниот институт за блискоисточни и балкански студии (IFIMES).
На дебатата беше потенцирано значењето на Декларацијата за мир и ставање крај на војните (DPCW), изработена од страна на Меѓународниот правен комитет во рамките на HWPL, односно влијанието на овој документ во помирувањето на балканските земји и нации. Говорниците на дебатата, меѓу кои беа и поранешниот хрватски претседател Стипе Месиќ и поранешниот претседател на словенечкиот Уставен суд Ернест Петрич, се осврнаа на тоа зошто во глобални рамки се уште не е постигнат мир врз основа на меѓународното право и како може Декларацијата за мир да влијае врз помирувањето на балканските земји. Присутните исто така се осврнаа и на тоа како мировните аспирации можат да им помогнат на балканските земји на нивниот пат кон членството во Европската унија (ЕУ).
„Нема помирување во овие односи, во вербално искажаните желби за да се подобрат односите, сметам дека нема доволно искреност за да може да се надминат условите кои преовладуваат за време на војните. Поради тоа, Декларацијата за мир и ставање крај на војните може само да помогне и да не охрабри сите од нас, заедно како и индивидуално да направиме чекори во вистинската насока“, рече поранешниот хрватски претседател Стипе Месиќ.
„Нам ни е потребна искрена желба за мир и отвореност кон другите, кон оние кои што се поинакви од нас, без дискриминација кон кој и да е, врз каква и да е основа. Мораме да постигнеме хармонија во нашите односи“, додаде Месиќ.
Мировните активности на HWPL, пак, продолжуваат во вторник во Македонија, каде ќе биде одржан првиот мировен форум на организација. Предвидено е на него да има повеќе говорници, меѓу кои и правни експерти, религиски лидери и преставници на македонскиот Мировен комитет, кои ќе го потенцираат значењето на Декларацијата за мир и ставање крај на војните, документот кој досега во светски рамки собра над половина милион потписи.
Минатиот месец, односно на 26-ти мај, повеќе од 300 млади во Јужна Кореја и ширум светот ја одбележаа третата годишнина од Декларацијата за светски мир, првичниот документ кој подоцна настана и DCPW, подготвен од HWPL и претседателот на оваа организација, светски познатиот хуманист Ман Хи Ли. Хуманитарниот аспект на оваа мировна организација беше потенциран и преку собраните повеќе од 43 илјади долари помош за жртвите од земјотресот во Еквардор, во кој загинаа повеќе од 600 а беа повредени преку 27 илјади лица./крај/мф/бс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.
Регион
Пленковиќ по победата на изборите во Хрватска: Набргу ќе дознаете со кого ќе имаме мнозинство
Актуелниот премиер на Хрватска, Андреј Пленковиќ, чија партија ХДЗ победи на парламентарните избори во Хрватска, објави дека набргу ќе се знае со кого ќе формираат влада.
„Одлично е чувството, трета победа во низа и убедлива, тоа никој не успеа да го направи пред нас. Презадоволни сме, урнат е митот дека високиот одѕив не ѝ одговара на ХДЗ“, изјави Пленковиќ.
„Многу набргу ќе дознаете со кого ќе формираме ново мнозинство во Собранието. Разговаравме со некои наши колеги уште синоќа, а денеска ги продолжуваме разговорите. Сè оди добро, победниците ќе ја водат владата и во третиот мандат“, порача Пленковиќ.
Неофицијалните резултати по обработката на речиси сите избирачки места, според пресметките, покажуваат дека ХДЗ убедливо победува на парламентарните избори и освојува 61 мандат, а Риека правде на СДП добива 42 мандата.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.