Регион
И Словенија како и Австрија се подготвува за квота за азилантите
Поради стравувањата дека на нејзината територија би можеле да остана поголем број имигранти и бегалци, Словенија размислува за воведување дневни квоти за азилантите како и соседна Австрија, но како прва линија на одбраната на шенгенскиот простор нејзините квоти би биле значително помали, пишуваат во петокот словенечките медиуми.
Владата во Љубљана ја проучува можноста да воведе дневни квоти за лицата кои бараат азил, пишува мариборскиот дневен весник Večer кои се повикува на неофицијални извори.
Австрија во текот на минатата 2015 година примила 90.000 барања за азил, па од петокот воведе квоти според кои ќе прими најмногу 80 барања дневно, за што ќе се води сметка при пропуштањето на имигрантите од Словенија кон Австрија и Германија.
И покрај благите критики за воведувањето на дневните максимални квоти за имигрантите што ги воведе Австрија, словенечкиот премиер Миро Цера во четвртокот изјави дека има разбирање за австриските рестрикции и дека Словенија ќе се прилагодува на нив, бидејќи ниту тој од самитот на ЕУ кој е во тек во Брисел не очекува дека ќе го даде посакуваното европско решение за имигрантската и бегалската криза.
„Словенија мора и самата да биде подготвена на соодветни реакции, бидејќи е држава од шенгенскиот простор којашто ја обврзуваат шенгенските правила“, истакна Церар во Брисел.
Љубљанскиот дневен весник Delo во петокот истакнува оти се покажало дека ЕУ не е во состојба да го осигури приближувањето на ставовите на 28-те членки за миграциската криза, како и дека затоа е потребно да се осигури барем попрагматични правила за однесувањето на државите во сегашната нерегуларен мигрантски бран, кога членките ги применуваат најминималните механизми за заштита на правата на азилантите.
Словенската јужна граница е и граница на Шенген која Словенија е должна да ја штити, а во тој правец се движат и настојувањата на словенечката влада. Словенија ќе ги следи австриските потези и на нив ќе одговори на соодветен начин за во неа да не се заглават голем број имигрант, а во исто време да гарантира и хуман однос кон имигрантите, пишува натамо Delo.
Поради австриското применување на дневните квори за барателите на азил, може да се очекува зголемувањето на бројот на оние кои азил ќе бараат во Словенија, а проблемот со бегалците енормно би се зголемил доколку Австрија, која досега во Словенија враќаше по 40-ина имигранти дневно, тоа ќе почне да го прави во поголема мерка.
Во рамките на европскиот план за релокација на 160.000 имигранти во „хот-спот“ центрите во Италија и Грција, Словенија е подготвена да прифати од 20 до 100 бегалци и да ги смести на подолго време, но дури откако ќе престане сегашната бегалска криза во којашто е оптоварена со масата луѓе кои се движат по ткн балканска рута, изјави словенскиот државен секретар за миграции Боштјан Шефич./крај/мф/сн
Извор: STA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Прашина од Африка стигна во Грција: небото над Атина стана портокалово
Небото над Атина, главниот град на Грција, стана портокалово поради огромните облаци од прашина што пристигнаа од Африка.
Грчкото здружение за пулмологија ги предупреди граѓаните дека честичките од пустинската прашина во атмосферата се опасни за луѓето со респираторни проблеми.
🚨#WATCH: As the Saharan dust has turnt the sky of Athens, Greece completely orange.
The Sahara dust is turning the sky into a vibrant orange across Athens, Greece. The wave of dust began yesterday and is forecasted to peak today.
pic.twitter.com/jo7fAwNIv4— R A W S G L 🌎 B A L (@RawsGlobal) April 23, 2024
На луѓето со респираторни и срцеви проблеми им се советуваше да не се занимаваат со активности на отворено, да ги држат прозорците затворени и да користат маски кога се на отворено.
Грчкиот метеоролог Костас Лагувардос објави на „Фејсбук“ дека Атина изгледа како колонија на Марс.
HAPPENING NOW: *Orange sky* – African dust blanketing Greece created an eerie image that made Athens look like a colony on Mars, Greek meteorologist reportedly says pic.twitter.com/qXicm92YPE
— Bruce Snyder (@realBruceSnyder) April 23, 2024
Поради пустинската прашина, намалена е видливоста во центарот на градот и регионот, а грчката метеоролошка служба соопшти дека во северна и западна Грција се очекува дожд од прашина.
In Athens, the sky turned orange due to a large amount of dust brought from the Sahara Desert, pic.twitter.com/Xie3o7Ovku
— S p r i n t e r F a c t o r y (@Sprinterfactory) April 23, 2024
Регион
Мајката на осомничениот за убиството на Данка: Не го видов телото на мојот син
Светлана Драгијевиќ, мајката на Далибор Драгијевиќ, кој почина од насилна смрт во полициската станица во Бор, на распитот за убиството на Данка Илиќ (2) за порталот „Нова.рс“ вели дека нејзиниот починат син бил жртва на полициска тортура.
Таа истакнува дека не го видела телото и дека сѐ уште го чека извештајот од обдукцијата на синот.
Драгијевиќ е брат на Дејан, осомничениот за убиството на девојчето Данка Илиќ. Тој беше приведен на 6 април под сомнение дека му помогнал на својот брат да го скрие нејзиното тело, а почина ноќта меѓу саботата и неделата, односно на 7 април.
Мајката на Драгијевиќ за „Нова.рс“ изјави дека никој не дошол кај неа да ѝ каже дека син ѝ е претепан, туку дека само полицаецот дошол да ја извести за погребот.
„Не се сомневам дека ќе се дознае кој го убил, од Бор се. Извештајот од обдукцијата сѐ уште не сум го добила, па се надевам дека ќе открие сѐ“, вели Светлана, која исто така наведува дека не го видела телото на синот.
Неделникот „Радар“ неодамна објави дека обдукцијата покажала оти Драгијевиќ починал со насилна смрт, а доказ за тоа се многуте повреди што ги имал на телото. Но, полицијата во соопштението наведе дека Драгијевиќ починал од природна смрт, односно му се слошило во полициската станица.
Полицијата ги уапси работниците на ПУК „Водовод“, Дејан Драгијевиќ и Срѓан Јанковиќ, под сомнение дека го убиле девојчето Данка Илиќ. Таткото Радослав и братот Далибор на осомничениот Драгијевиќ беа приведени под сомнение дека му помогнале да го скрие телото на детето.
Телото на Данка сѐ уште не е пронајдено.
Регион
Милорад Додик: Република Српска е под постојани санкции предводени од САД
Република Српска е под постојани санкции предводени од САД, изјави на Меѓународниот состанок на високите претставници задолжени за безбедносни прашања во Санкт Петербург, претседателот на Српска Милорад Додик.
Во својот говор Додик укажа на глобалниот проблем поради политички мотивирани санкции.
„Република Српска е директно изложена на овој вид ризик и е под постојани санкции предводени од САД. Ние правиме се што можеме за да ја заштитиме “, рече Додик, кој беше првиот што зборуваше на Состанокот за безбедност како дел од првата пленарна сесија „Обезбедување информациска безбедност во услови на формирање на полицентричен светски поредок: предизвици и можности“.