Регион
Илјадници навивачи во Тирана ги дочекаа фудбалерите, премиерот Рама честиташе
Неколку илјади навивачи ги дочекаа утрото фудбалските репрезентативци на аеродромот „Мајка Тереза“ крај Тирана по нивното враќање од Белград, а албанскиот премиер Еди Рама, чиј брат беше обвинет како организатор на инцидентот по кој беше прекинат квалификацискиот натпревар со Србија, има честиташе на играчите во Белград.
Албанските репрезентативци се вратија во тирана око 3.30 часот, а фудбалерите беа дочекани како херои. Покрај одушевувањето на навивачите, играчите ги пречека и вицепремиерот Нико Пеши и министерката за спорт Лидните Николас.
„Ова се нашите херои, мораме да бидеме горди на нив“, порача албанскиот премиер Еди Рама кој во моментов престојува во официјална посета на САД. Рама следната седмица, на 22-ри октомври, инаку требаше да пристигне во српската престолнина Белград, и тоа како прв албански премиер кои тоа го сторил во последните 68 години.
Дел од српските медиуми објавија дека со беспилотното летало со знамето на Голема Албанија којашто предизвика инцидент и потоа прекин на мечот Србија – Албанија управувал токму братот на премиерот, 45-годишниот Олси Рама, ианку американски државјанин. Од ВИП ложата. Според медиумските извештаи кои се повикуваат на полициски извори, кај него бил пронајден далечински управувач. Меѓутоа и самиот Олси и министерот за внатрешни работи на Албанија, Самир Тахири, тврдат дека вестите за приведувањето на помладиот Рама се обични шпекулации.
Откако беше објавено дека мечот нема да продолжи, селекторот на албанската фудбалска репрезентација Џани Де Бјази за италијанскиот весник La Gazzetta dello Sport изјави дека „албанските фудбалери освен навивачите биле тепани и од редарите и немало услови за одигрување на натпреварот“.
Мечот беше прекинат во 42 минута поради инцидентот на теренот и трибините, откако над теренот на стадионот на Партизан се појави направа водена со далечинско управување коешто носеше плакат со албанскиот национален симбол двоглавиот орел но на картата на Голема Албанија и со ликовите на двајца албански дејци за идеите на таквата творба од крајот на XIX и почетокот на X век. Српскиот фудбалер Стефан Митровиќ го зема ткн знаме а кон него веднаш се спуштија неколку албански фудбалери кои се обидуваа да му го одземат. Потоа на теренот втрчаа и неколкумина навивачи и започна општа тепачка. Судијата Мартин Еткинсон од Англија реши поради тоа да го прекине мечот. Фудбалерите на Албанија при излегувањето од теренот беа гаѓани со факели и запалки, а еден навивач втрча на атлетската патека и удри албански играч. Прекинот траеше повеќе од 50 минути, а откако полицијата испразни дел од јужната трибина, српските фудбалери излегоа на теренот очекувајќи продолжение на мечот и албанските играчи. Меѓутоа беше решено дека нема да има продолжување на натпреварот.
Натпреварот беше одигран на стадионот на Партизан пред 25 илјади гледачи, а до прекинот резултатот беше 0 – 0./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.