Контакт

Регион

Истанбул го добива и петтиот премин преку Босфорот

Објавено пред

 

Истанбул до крајот на годинава ќе го добие петтиот премин преку Босфор, а деновиве во мегалополисот со голема брзина се привршуваат последните градежни работи на тунелот „Аврасја“ („Евроазија“) кој треба да биде свечено пуштен во употреба на 25-ти декември. Со овој нов премин под теснецот Босфор времетраењето на патувањето меѓу европскиот и азискиот брег на градот на трасата со најгуст сообраќај, од 100 минути ќе биде смалено на 15 минути.

 

Тунелот започнува во европскиот дел на градот кај Јеникапија и завршува во Ѓозтепе во азискиот дел на градот. Инвестицијата вреди  1 милијарда 245 милиони 121 илјада и 188 американски долари и проектот ќе биде даден на концесија на градителот  во траење од  24 години и пет месеци.

 

Вкупната должина на целиот проект изнесува 14,6 километри од кои  5,4 километри припаѓаат на тунелот под морето. Делот од  5,4 километри кој припаѓа на двокатниот тунел е изграден со посебна технологија, а  должината на патиштата на двата краја од тунелот е 9,2 километри.  Тунелот е проектиран да издржи земјотрес од 9 степени и ќе биде отпорен на цунами.

 

Министерството за сообраќај, поморство и комуникации на Република Турција и Дирекцијата за инфраструктурни инвестиции го задолжија претпријатието „Аташ“ за проектирање, изградба и менаџирање  на тунелот „Аврасја“.  Проектот се наоѓа 1,8 километри јужно од подземната железница под Босфор – „Мармарај“, со проширување на приклучните патишта од 6 на 8 ленти и реновирање на старите сообраќајници на двата брега од градот ќе се обезбеди пофлуентен градски сообраќај  во метрополата.

 

Проектот со ова претставува еден од најзначајните инвестиции за решавање на сообраќајните проблеми на турската престолнина. Според предвидувањата, проектот кој ги опфаќа изградбата на тунелот и проширувањето на делниците ќе одигра голема улога во растоварувањето на сообраќајот во целина во метрополата, освен тоа што патувањето од 100 ќе се намали на 15 минути и ќе биде многу покомфорно,  други придобивки од проектот  се намалувањето на звучното и еколошко загадување. Во тунелот ќе има и непрекинат пристап на интернет и телефонска комуникација.

 

Изведувачи на работите на проектот се турската фирма „Јапи меркези“ и корејскиот конзорциум СК. Проектот „Тунел Аврасја“ се состои од три дела – европски дел, во кој се проширија постојните делници и беа изградени подземни премини, потоа двокатниот тунел преку преминот Босфор и делот на азискиот брег кој има две клучки  и надвозни премини за пешаци.

 

Тунелот е двокатен и се состои од по две ленти одредени за сообраќај на автомобили и минибуси, а ќе биде затворен за товарни возила и пешаци. Цената за премин на возилата ќе биде околу 4 долари за автомобили и 6 долари за минибуси. Најдлабоката точка под која се наоѓа тунелот е 106 метри под морската површина или  55 метра под морското дно, а неговата најблиска точка до морското дно е 27 метри.

 

Во изградбата на тунелот била употребена машина за отворање тунели дизајнирана специјално само за овој проект, која со притисок од 11 бари е втора машина во светот. Тунелот со пречник од 13,7 метри е петти по ред тунел по широчина во светот.

Престижното светско списание од областа на градежништвото Енџиниринг Њус Репорт (Engineering News Report) во категоријата „тунели и мостови“ го прогласи тунелот „Аврасја“ за  „најдобар проект во 2016 година на светско ниво“.

 

На 8-ми октомври годинава претседателот на државата Реџеп Таип Ердоан во придружба на премиерот на Турција Бинали Јилдирим  и министерот за сообраќај, поморство и комуникации Ахмет Арслан, со службено возило прв го помина  тунелот по што изјави „Денес го направивме последниот тест на уште еден историски проект на Турција“./крај/мф/аак

Регион

Грција ја почнува туристичката сезона, утре се очекуваат 110 меѓународни влезни летови

Објавено пред

Грција од денеска ја почна својата туристичка сезона, а владата и тур-операторите се надеваат дека сонцето, плажите и морето ќе го донесат потребниот раст на приходите по лошата туристичка сезона минатата година.

„Ние ја креваме котвата“, рече министерот за туризам, Хари Теохарис, најавувајќи ја туристичката сезона од античкиот грчки храм Посејдон во близина на Атина, пренесуваат агенциите.

Тој додаде дека странските туристи се желни да се вратат во Грција.

Најавата нетрпеливо се очекуваше од страна на угостителите и сопствениците на кафулиља.

Според владините регулативи објавени во средата, секој што патува на грчките острови по море или воздух мора да покаже потврда за вакцинација или негативен резултат од ПЦР-тест.

Водечкиот европски тур-оператор закажа 120 лета кон Грција до крајот на мај.

В петок се очекуваат 40-ина меѓународни летови за пристигнување на 14 грчки регионални аеродроми, а уште 110 в сабота.

Во тек е иницијатива за вакцинирање на локалното население.

Грчките хотелиери очекуваат зголемување на туристичкиот сектор од крајот на јуни или почетокот на јули.

Пандемијата силно влијаеше врз грчката економија, која во голема мера се потпираше на туристичкиот сектор, што претставува повеќе од 20 проценти од БДП.

Прикажи повеќе...

Регион

Влез во Хрватска без ПЦР-тест само за вакцинирани пред шест месеци

Објавено пред

Денес, Хрватска ги продолжи постојните мерки до крајот на мај, а една мерка беше попуштена – од денес сите оние што се вакцинирани пред шест месеци и со двете дози (со исклучок на вакцините на „Астра зенека“ и „Џонсон и Џонсон“) може да влезат во Хрватска без ПЦР-тест и без карантин. Досега ова беше случај за луѓето што биле вакцинирани пред пет месеци.

Исто така, поради локалните избори в недела, на сите хрватски граѓани им е дозволено да влезат без ПЦР-тест и без карантин.

Во последните 24 часа евидентирани се 926 нови случаи на зараза со вирусот САРС-КоВ-2, а бројот на активни случаи во Хрватска денес е вкупно 7.214.

Меѓу нив, 1.752 пациенти се во болница, од кои 207 се на апарати за дишење. Починале 41 лице.

До денес се тестирани вкупно 1.912.994 лица, од кои 6.587 во последните 24 часа.

Од 13 мај дадени се 1.268.281 доза вакцини. Досега 980.177 лица биле вакцинирани со најмалку една доза, од кои 288.104 ги примиле двете дози.

 

Прикажи повеќе...

Регион

Пахор: За мир на Западен Балкан, забрзајте им го влезот на тие земји во ЕУ

Објавено пред

Претседателот на Словенија, Борут Пахор, изјави дека треба да се забрза проширувањето на Европската Унија кон земјите од Западен Балкан и изрази очекување дека ќе биде испратена единствена порака до Брисел од претстојниот самит.

На заедничката прес-конференција со српскиот претседател, Александар Вучиќ, Пахор рече дека тој е во посета на земјите од регионот со цел подготовка за самитот, што треба да се одржи в понеделник.

„Сакав да се консултирам со сите за идејата што произлегува од нацрт-заклучоците од таа конференција – дека проширувањето на ЕУ кон Западен Балкан е геополитичко прашање и неопходност и дека мора да се одвива побргу и дека ЕУ мора да го има пред очи целиот Западен Балкан и дека би било одлично кога сите земји од таа област ќе влезат во ЕУ во исто време“, изјави Пахор.

Тој исто така рече дека мирот и стабилноста на Западен Балкан може да се зачуваат само со релативно брз влез на сите земји од регионот во Европската Унија.

„Некои чувствителни билатерални прашања меѓу земјите во регионот ќе бидат полесно решени или ќе станат ирелевантни ако сите земји се приклучат на ЕУ во најкус можен рок“, рече Пахор.

Запрашан за изјавата „за алтернативна промена на границите“, Пахор одговори дека не верува оти е можна мирна промена на границите во оваа област.

Српскиот претседател, Вучиќ, рече дека разговарал со Пахор за клучните регионални прашања, евроинтеграциите на Србија и билатералните односи меѓу двете земји.

„Нашата позиција се заснова на почитување на меѓународното јавно право и цврсти правни основи, а нашата позиција не е лесна и не е тајна кога сте во Србија. Јасно е дека имаме поинаков став за прашањето на Косово, како и 22-те земји членки на ЕУ“, рече Вучиќ.

Според него, улогата на Словенија на Западен Балкан е важна.

„Словенија претседава со Европската Унија од јули и нејзината поддршка на европскиот пат е важна“, рече Вучиќ.

Прикажи повеќе...

Најново

Македонија9 часа

Се исфрла мајонезот од исхраната во градинките, по труењето на децата во кумановската градинка

Министерството за труд и социјална политика соопшти дека ќе направи целосна ревизија на нормативите и стандардите за исхрана и оброци...

Македонија11 час

Починатата 33 – годишна пациентка имала четири операции, а не една како што било заведено во отпусното писмо

Семејството на 33-годишната пациентка, на која ѝ беше изваден миом од матката, го објави отпусното писмо и јавно бара одговорност...

Свет12 часа

Русија официјално ги прогласи Чешка и САД за непријателски земји

Руската влада денеска официјално ги означи Чешка и САД како „непријателски земји“. Како што беше објавено на официјалниот портал за...

Свет13 часа

СЗО со порака до богатите земји: Наместо да ги вакцинирате децата, дајте ги вакцините на сиромашните

Светската здравствена организација денеска ги повика богатите земји да ги преиспитаат плановите за вакцинирање на деца против Ковид-19 и наместо...

Македонија16 часа

16 починати и 30 нови случаи на Ковид-19 од 1.658 тестирања

Министерството за здравство информира дека во последните 24 часа се направени 1.658 тестирања, а регистрирани се 30 нови случаи на...

Македонија17 часа

Грчките гранични служби го отворија преминот Евзони за македонските граѓани

Од 13 часот е почнато да се пропуштаат возила кон Грција на граничниот премин Евзони. По застојот што настана изутринава...

Македонија18 часа

Пендаровски не го потпиша указот за легализација на бесправно изградените објекти

Претседателот Стево Пендаровски го извести претседателот на Собранието на Република Северна Македонија, Талат Џафери, дека одлучи да не го потпише...

Македонија18 часа

Филипче: Помладите ќе почекаат за вакцинација

Пријавените за вакцина преку vakcinacija.mk најдоцна до понеделник ќе добијат термини за вакцинација, рече денес министерот за здравство, Венко Филипче....

Европа21 час

Германски виролог предупредува на опасност од четврти бран на вирусот

Германскиот виролог Хендрик Штрек очекува дека ситуацијата во врска со коронавирусот сигурно ќе се влоши наесен и дека е можен...

Свет22 часа

Борел: Европската Унија не е способна да го запре Израел

Жосеп Борел, високиот комесар на ЕУ за надворешна и безбедносна политика, изјави дека Европската Унија не е во состојба да...

Свет22 часа

Во Индија повеќе од 24 милиони заразени од коронавирус, индискиот сој се шири во целиот свет

Бројот на пријавени случаи на Ковид-19 во Индија се искачи на повеќе од 24 милиони лица, а индискиот сој на...

Свет23 часа

Се разгорува воениот конфликт на Блискиот Исток, стотици мртви и ранети

Израелската армија ги засили нападите врз Газа, а од Газа веќе петти ден по ред и натаму се лансираат ракети...

Македонија2 дена

Варвициотис: Не поддржуваме раздвојување на Северна Македонија и Албанија на патот кон ЕУ

Заменик претседателот на Владата задолжен за европски прашања Никола Димитров утрово во Атина го започна своето учество на 6-от Економски...

Македонија2 дена

Пендаровски: Во регионот сè уште има премногу историја што не држи на задните седишта во Европа

Претседателот Стево Пендаровски денеска се обрати на виртуелната конференција „Пред иднината – Подготовки за НАТО 2030“ во организација на Атлантскиот...

Свет2 дена

Нова опасност во Индија, смртоносната „Црна Габа“ се појави кај заразените со коронавирус

Се поголем број пациенти во Индија кои се наоѓаат во тешка здравствена состојба поради коронавирусот, добиваат ретка инфекција, т.н. „Црна...

Македонија2 дена

Муслиманите го слават Рамазан Бајрам

Муслиманите во земјава, како и во целиот свет, денеска го слават Рамазан Бајрам. По едномесечниот пост, во кој верниците се...

Македонија2 дена

Од полноќ стапува на сила скратен полициски час

Од полноќ стапува на сила скратениот полициски час кој ќе трае до 4 часот наутро. Олабавување на рестриктивните мерки ќе...

Свет2 дена

(Видео) Состојбата на Блискиот Исток се разгорува, Израел ја разгледува можноста за копнен напад на Газа

Дури и по полноќ, конфликтот меѓу израелските и палестинските сили не стивна. Проектили летаа од двете страни со несмален интензитет....

Свет2 дена

Нетанјаху: Ова е само почеток!

Израелскиот премиер Бенјамин Нетанјаху потврди дека се ликвидирани неколку команданти на Хамас и се закани со досега невиден напад на...

Регион2 дена

Европратеникот Џамбаски до Србија: Омразата кон Бугарите нема да ве однесе во ЕУ

Бугарскиот член на Европскиот парламент од партијата ВМРО БНД, Ангел Џамбаски ја предупреди Србија дека пристапувањето во ЕУ е можно...

Досие