Регион
Истанбул: Притворени 13 осомничени, меѓу кои тројца странци, за нападот на аеродромот „Ататурк“
Во операциите на турските безбедносни сили против терористичката организација Исламска држава во Истанбул со истовремени упади на единиците на безбедноста на 16 адреси во три населби – Пендик, Башакшехир и Султанбејли. притворени се 13 лица од кои три се странски државјани, јавува дописникот на Макфакс од турската метропола.
Во операциите на турските безбедносни сили против терористичката организација Исламска држава во Истанбул со истовремени упади на единиците на безбедноста на 16 адреси во три населби – Пендик, Башакшехир и Султанбејли. притворени се 13 лица од кои три се странски државјани, јавува дописникот на Макфакс од турската метропола.
Од средата во Истанбул започна операција против Исламската држава, но досега немаше информации за притворени осомничени. Во слична операцијата која со учество на 200 полицајци започна во средата во Измир и неговата околина, притворени се девет лица под сомнение дека давале логистичка помош и врбувале лица за споменатата џихадистичка органзијација.
По терористичките напади на истанбулскиот аеродром „Мустафа Кемал Ататурк“ минатиот вторникот, во кој животот го изгубија 42 лица а 238 беа повредени, состојбата на аеродромот постепено се нормализира. Со повторното започнување на летовите, странските туристи, кои по нападот беа сместени во хотелите почнаа да се враќаат на аеродромот и со задоцнети летови ја напуштаат земјата. Мерките за безбедност на аеродромот се зголемени и патниците при влезовите на аеродромот детално се проверуваат.
Претседателот на Турција, Реџеп Таип Ердоан, кој во средата жестоко ги осуди терористичките нападите, истакна дека „тие немаат врска со исламот“. „Тие што го извршија нападот ќе одат во пекол каде што им е местото“, истакна Ердоан додавајќи дека никој нема да може да ја спречи Турција да си ги оствари целите од 2023 година.
Премиерот Бинали Јилдирим, во врска со терористичкиот напад изјави дека сомнежите се фокусираат кон екстремната терористичка организација Исламската држава, и подвлече дека последниот напад покажал дека покрај физичката и рентген контролата, можеби, ќе треба да се воведат дополнителни мерки на безбедност со ангажирање поголем број специјално обучен персонал за спречување на вооружен напад пред влезот на аеродромот. На нападите за недоволната безбедноста на аеродромот Јилдирим одговори дека едниот од терористите го извршил нападот пред влезот и таму ја активирал бомбата, а другите двајца напаѓачи влегле внатре искористувајќи ја паниката што настапила со првиот напад и таму ги активирале бомбите.
Поголемиот дел од ранетите се задржани во државната болница во населбата Бакиркој, која се наоѓа во релативна близина на аеродромот „Ататурк“ . Лекувањето на 128 лица продолжува, 41 лице се наоѓа на интензивна нега. Телата на 32 загинати лица се предадени на семејствата, додека идентитетот на четворица загинати не е утврден. Помеѓу ранетите се наоѓаат странски државјани од Саудиска Арабија, Авганистан и еден швајцарски државјанин. Повредените од терористичкиот напад вчера ги посетија премиерот Јилдирим и бившиот претседател на Турција, Абдулах Ѓул, кој го осуди терористичкиот напад и менталитетот на злоупотреба на верата во вакви цели.
Додека опозицијата ја напаѓа владејачката партија за пропусти во обезбедувањето на аеродромот, реакции против терористичкиот напад преку социјалните мрежи упатија и истакнати личности од спортот и естрадата./крај/мф/аак
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двегодишното девојче кое исчезна во Србија се бара насекаде, полицијата врши распити на голем број лица
Потрагата по девојчето Данка Илиќ (2), кое во вторникот исчезна во Бањско поле во Бор, се уште трае и не се знае како е можно девојчето да се изгуби. Полицијата ја проверува секоја информација што ќе дојде до нив, сослушани се неколку лица, повторно се разговараше со родителите, но ниту една информација не укажува на тоа што се случило и каде е Данка, пишува „Нова.рс“
Екипата на порталот денеска беше во Бањско поле каде се уште има голем број полицајци. Властите со багер го чистеа теренот околу куќата во која последен пат била видена Данка. Исто така, на имотот е извршено ископување, а јамите повторно се пребаруваат.
Полицијата ја истражува секоја трага што може да укаже на тоа што се случило со девојчето.
„Полицијата разговараше со голем број луѓе, соседи, познаници, се со цел да ја пронајде Данка. Досега ниту една трага не довела до тоа каде е девојчето или што и се случило“, вели изворот на Нова.рс.
Истрагата се одвива во повеќе правци, а денеска полицијата повторно разговараше со родителите на девојчето.
„На вториот ден од нејзиното исчезнување, родителите на девојчето биле во полиција до доцна во ноќта. Тие утрово биле повторно повикани, а исто така цел ден поминале во полициска станица. Не се познати околностите врз основа на кои два дена биле на распит. Извесно е дека родителите вчера имале разговори и со Центарот за социјална работа, а повеќе од тоа не се знае“, додава изворот на „Нова.рс“.
Неофицијално беше објавено и дека полицијата нашла нова трага, односно дупка на местото на кое исчезна девојчето, и дека целото внимание го насочува кон тоа.
Она што е сигурно е дека се проверуваат сите околности и се сослушуваат и сите лица кои можеби имаат сознанија за случајот.
Меѓу нив е и кој бил зад воланот на автомобилот „пунто“ што го снимиле надзорните камери на куќата во Бањско Поље, во моментот на исчезнувањето на малата Данка. Куќата пред која е снимен автомобилот се наоѓа на стотина метри од местото каде исчезна Данка.
На снимката се гледа автомобил кој брза околу 13 часот и 47 минути, а малото девојче исчезнало малку пред тоа, околу 13 часот и 45 минути, како што вели нејзината мајка.
„Ја знам таа жена, ја видов како носи две деца во парк, страшно е што се случи“, велат соседите.
Девојчето Данка Илиќ исчезна во вторникот во Бањско Поље кај Бор. Во средата по 27 часот полицијата ја прекина потрагата и започна друг вид на акција за пронаоѓање на детето. Во ова мало место кај Бор се уште остана одреден број полицајци, а вчера беше блокиран и пристапот до куќата.
Во потрагата по исчезнатото дете се вклучени припадници на Жандармеријата, пожарникари, планинска спасувачка служба, како и голем број доброволци.
Регион
„Само се шалевме“ – уапсените поради тврдењата за исчезнатото девојче се донесени во полиција
Тројцата кои беа уапсени во Босна и Хервеговина, а тврдеа дека имаат информации за исчезнатото девојче од Србија, Данка Илиќ и бараа пари, во полиција рекле дека „само се шегувале“, пренесува Н1 Сараево.
Федералната полициска управа вечерва уапси три лица кои на социјалните мрежи тврдеа дека имаат информации за исчезнувањето на двегодишното девојче од Србија, Данка Илиќ, по коешто трага речиси целиот регион.
Како што јави известувачот на Н1, уапсените биле донесени во зградата на Федералната полициска управа.
Како што се дознава, за време на преносот во живо на „Тик-ток“, тие побарале десетици евра за да ја откријат локацијата на девојчето и тврделе дека ја чуваат во подрумот.
Веднаш по апсењето изјавиле дека „само се шегувале“. Сите уапсени се членови на исто семејство.
Инспекторите на Одделот за компјутерски криминал на Федералната полициска управа преку ИП адресата ги лоцираше лицата кои тврделе дека имаат информации за исчезнувањето на детето.
Вчера на социјалните мрежи се појави видео од надзорната камера на куќа лоцирана во близина на местото каде исчезна Данка Илиќ во 13:45 часот.
На видеото се гледа автомобил кој брза во 13 часот и 47 минути, а малото девојче исчезнало малку пред тоа, односно во 13 часот и 45 минути, како што рекла нејзината мајка.
Регион
Барале 25.000 евра за да дадат информации за исчезнатото девојче: детали за апсењето на три лица во БиХ
Припадниците на полицијата привеле три лица, кои се осомничени дека преку ТикТок објавиле дека се поврзани со исчезнувањето на девојчето Данка Илиќ (2) во Србија.
„Федералната полициска управа, постапувајќи според актот на НЦБ Интерпол Белград, презеде мерки и дејствија од нејзина надлежност, што резултираше со лишување од слобода на три лица на територијата на Хаџиќ, Сараево“, беше потврдено и кои се сомничат дека имале сознанија за исчезнување на малолетно девојче од Србија.
Инспекторите на Одделот за компјутерски криминал на Федералната полициска управа, ги лоцирале по пат на ИП адреса лицата кои тврделе дека имаат информации за исчезнувањето на малолетно девојче, односно барале 25.000 евра за откривање информации.
„Малолетното девојче не е пронајдено на територијата на Хаџиќ, а кривичната истрага за лицата лишени од слобода е во тек“, изјави сојузниот инспектор Ервин Мушиновиќ.
Девојчето Данка Илиќ (2) во вторникот исчезна во Бањско поле кај Бор.
Оттогаш, потрагата по неа трае, а во Србија за прв пат е активиран системот амбер алерт.